موضوع مايهمكش: 20 حاجة ماتعرفهاش عن الفول السوداني
أكيد بتيجي في ليلة عيد أو ليلة رأس السنة أو أي سهرة حلوة تروح على المقلى تجيب شوية لب وسوداني حلوين كده وبعدين تدخل على كيس السوداني لحد لما ماتبقاش عارف توقف أكل منه إزاي.
ناس كتير بتعتبر السوداني مش مجرد تسالي وبتحبه فعلا.. في يوم السوداني قررنا نقولك 20 حاجة احتمال تبقي ماتعرفهاش عن الفول السوداني حسب ما قال موقع “national peanut board” وموقع “bumblebar”:
1- عشان تعمل 340 جرام من زبدة الفول السوداني هتحتاج أكتر من 540 حبة سوداني
2- بموجب القانون في أمريكا لازم أي منتج اسمه زبدة فول سوداني يبقي فيه 90% على الأقل فول سوداني
3- عشان تعمل حوالي 30 جرام من زبدة الفول السوداني هتحتاج حوالي 3 لتر مياه
4- متوسط مساحة مزرعة الفول السوداني 200 فدان.
5- الشخص العادي بياكل في حياته حوالي 3000 ساندوتش زبدة فول سوداني وده وفقًا لاستطلاع عمله “بيتر بان” سنة 2016
6- الشخص البالغ بياكل حوالي 3 سندوتشات زبدة فول سوداني في الشهر
7- جريدة هافينغتون بوست سألت في سبتمبر 2014 إيه أحسن مربى بيحطوها على زبدة الفول السوداني في الساندوتشات و36% قالوا مربى الفراولة و31% قالوا مربى العنب، وبالنسبة للعيش 54% قالوا عيش أبيض
8- الستات والأطفال بيفضلوا زبدة الفول السوداني الكريمية، لكن معظم الرجالة بيفضلوا زبدة الفول السوداني السميكة
9- الفول السوداني المسلوق بيعتبر أكلة حلوة في مناطق زراعة الفول السوداني في جنوب أمريكا. وبيغلوا الفول السوداني اللي اتحصد مؤخرًا في محلول ملحي لحد ما يبقى ملمسه ناعم زي الفول
10- الفول السوداني مصدر رائع للبروتين (فيه 25 جرام لكل 100 جرام) وبيحتوي على عناصر غذائية صحية ومعادن غذائية كتير زي (المغنيسيوم والمنغنيز والفوسفور) ومضادات الأكسدة والألياف الغذائية والفيتامينات (B وE).
11- الفول السوداني هو المحصول الـ 18 في المحاصيل المهمة في أمريكا خصوصا إنها بتصدر سنويًًا أكتر من 200000 طن
12- كل ما كان الفول السوداني منتشر في مكان كل ما قل عدد حالات الحساسية من الفول السوداني
13- فيه فوبيا اسمها “Arachibutyrophobia ” وهي الخوف من إن زبدة الفول السوداني تلزق في البوق، والكلاب عادة مابتواجهش المشكلة دي
14- لسبب ما فيه في رقم قياسي في موسوعة جينيس للأرقام القياسية عن مدى رمي الشخص لحبة الفول السوداني و”كولن جاكسون” هو حامل اللقب ده بمسافة 124 قدم و4 بوصات
15- قشر الفول السوداني بيتعمل منه رمل لفضلات القطط أو بيتم استخدامه في إشعال النار أو جذوع الأشجار أو مواد التعبئة أو السماد
16- فيه 4 أنواع مختلفة للفول السوداني
17- منتجات الفول السوداني بيتم استخدامها لعلاج سوء التغذية في حالات الطوارئ وإنقاذ الأرواح
18- زهور الفول السوداني صفراء
19- زيت الفول السوداني ممكن يقلل نسبة الكوليسترول ويحمي القلب، ويمنع السرطان ويحسن الوظيفة الإدراكية ويقوي جهاز المناعة ويقلل ضغط الدم ويحمي الجلد ويحسن الجهاز العصبي
20- زبدة الفول السوداني ممكن تتحول لماس بس بيئة عالية الضغط
