خنفسة أطلقوا عليها اسم ليوناردو دي كابريو

02/05/2018

Grouvellinus leonardodicaprioi هو الاسم اللى أطلقوه على نوع من خنافس الماء تم اكتشافه حديثاً في ماليزيا وكان اختيار "ليوناردو دي كابريو" بالذات عشان تحمل الخنفسة الجديدة أسمه مش عشان هي شبهه، لكن بسبب رؤيتهم أن مهم جداً تسليط الضوء على فكرة إن كل الكائنات الحية مهمة ومؤثرة حتى لو كانت مخلوق صغير جداً زي الخنفسة.

بالإضافة لاهتمام "ليو" الكبير بحماية البيئة والحيوانات من الانقراض ودوره المؤثر كناشط بيئي بجانب مهنته الأساسية وهي التمثيل.  

وكان رد فعل "ليوناردو" على الخبر، هوأنه غير صورة صفحته الرسمية على الفيسبوك بصورة الخنفسة Grouvellinus leonardodicaprioi.

"ليوناردو دي كابريو" مش الشخصية العامة الأولى اللى يتم أطلاق أسمها على نوع معين من الحشرات والخنافس، فالأقرب كان السنة اللى فاتت لما اكتشفوا قشور بيضاء صفراء سموها دونالد ترامب!

Comments: