ثقافة توراجان في إندونيسيا: يعيشون مع جثث الموتى لسنوات

12/09/2018

في ثقافتنا العربية الميت بيتدفن، لكن في ثقافات تانية الميت بيتحرق، اما شعب توراجان في إندونيسيا بيسيب جثة الميت في البيت معاه لوقت طويل ممكن يكون سنين.

أهل الشخص الميت بيوفروا أوضة مخصوص لجثة الشخص، بيحقنوا الميت بمادة "الفورمالين" عشان الجسم مايتحللش، وبيغسلوا الجثة وبيغيروا هدومها بشكل مستمر، ده غير إنهم بيقدموا له الأكل والسجاير مرتين في اليوم.

قالت واحدة من أهل توراجان للـ BBC إنها حافظت على جثة والدها 12 سنة في بيتها وقالت كمان" لو دفناه على طول هنحس إننا فقدناه فجأة وهيحسوا بالألم لأنهم هيكونوا ماخدوش وقت كفاية في التعامل مع الحزن والانفصال عنه" وأضافت "هو أب كويس جدا ولسه مابينهم علاقة عاطفية عميقة لحد دلوقتي".

تقليد شعب توراجان اللي بيزيد عن مليون شخص بيعود لقرون، لأن العقيدة عندهم بتقول إن كل شيء في الكون له روح، والفاصل بين العالم ده والعالم الأخر خط غير مرئي.

حتى بعد ما مراسم الجنازة بتخلص، فالعلاقة الجسدية بين الميت والحي بتفضل موجودة عن طريق طقوس اسمها "المعينين" أو تنضيف جثة الشخص الميت، من ضمن طقوس الجنازة برضو هو حفر قبر الميت كل سنتين وتنضيفهم، وغالبا ما بيقترح حد من أهل المتوفي إنهم ياخدوا صورة عائلية معاه.





 

Comments: