اعرف القناة المفتوحة وميعاد حفل "صلاح" للمنافسة على "الأفضل في العالم"

24/09/2018

"الفيفا" أو الاتحاد الدولي لكرة القدم بينظم النهاردة حفلة توزيع جايزة أفضل لاعب في العالم لسنة 2018 واللي هتكون في "لندن".

حفلة توزيع جايزة أفضل لاعب في العالم هتتذاع النهاردة بليل الساعه 9 ونص بتوقيت القاهرة على قناة On Sport، وده بعد تعاقدها مع "الفيفا".

بينافس على الفوز بالجايزة 3 لاعيبة وهما محمد صلاح لاعب منتخب مصر ونادي "ليفربول" الإنجليزي، والكرواتي لوكا مودريتش ونادي "ريال مدريد" الإسباني، و كريستيانو رونالدو لعيب المنتخب البرتغالي و"يوفنتوس" الإيطالي.

والجدير بالذكر إن اللي كسب جايزة أفضل لاعب في العالم 2017 كان كريستيانو رونالدو، واللي فيه أنباء كتير بتقول إنه مش هيحضر حفلة افضل لاعب في العالم، زي برضو لما ماحضرش حفلة جايزة أفضل لاعب في أوروبا واللي فاز بيها "لوكا مودريتش".


 

Comments: