شوف أغرب مواقف اتعرض لها الكابلز في الـ First Date

13/12/2018

وإنت بتستعد لأول ديت أو أول خروجة بينك وبين الشخص اللي هتصاحبه أو ترتبط بيه عاطفيا، بتبقي متوتر ومتعصب وقلقان من أي ظروف ممكن تحصل تبوظ اليوم أو الـ "ديت" نفسه أو من الحاجة السخيفة اللي ممكن تحصل بينكوا، لو حسيت إنك متوتر ممكن تقرا القصص دي عشان هتعرف إن مهما حصلك فإنت كده في نعمة ومش هيحصل لحد أسوأ من كده:

القصص منشورة على موقع "كوزموبوليتان" الأمريكي

1- بعد الكلية خدتها عشان نتعشى سوا، وبعد الأكل افتكرت إني نسيت محفظتي، والمكان مارضاش ياخد الـ "كرديت كارد" بتاعتها، فاضطرينا نقعد ساعة كاملة في المكان لحد ما واحد صاحبي جالنا ودفع هو فلوس الأكل.

2- كنت في ثانوى وبابا وماما خرجوا، والمفروض إن صاحبتي جات تتفرج معايا على فيلم، الليلة اللي قبلها سهرت بحمل الأفلام، وللأسف ماتفرجتش عليهم لوحدي قبل ما اتفرج عليهم، لإن كان فيه فيلم فيه  مشاهد +18 في أوله، وللأسف هو ده الفيلم اللي اخترته نتفرج عليه.

3- خرجت مع بنت كنت مهتم بيها جدا وكانت عجباني، بعد ما خرجنا روحت عنده اتفرج على فيلم "Monsters University" ، كنت عايز ادخل الحمام جدا، بس كنت مكسوف اقولها، بس ماقدرتش واضطريت امشي مرة واحدة من غير حتى ما أسلم عليها ولا اقولها إن اليوم كان حلو.

4- نزلت أنا وبنت ديت أول مرة روحنا اتفرجنا على "Hunger Games" ونسيت أخطط لأي حاجة ممكن نعملها بعد الفيلم، وبعد الفيلم بدانا نتكلم عن أي حاجة تانية ممكن نعملها سوا، قولت بهزار يعني يلا نروح "menards" (محل لأثاث البيت) اتحمست جدا للفكرة دي وأصرت عليها، قضينا فترة الضهر كلها وكأننا بنصور فيلم 500 Days Of Summer IKEA،  حسيت إني محرج جدا عشان شكلنا كان واضح وغريب جدا، والشيء المحرج أكتر هو إننا ننزل "menards" في أول "ديت" لينا.

5- كان تالت أسبوع ليا في الجامعة ونزلت ديت مع بنت كانت معايا في الكلية، وقررنا ننزل في يوم في وسط الأسبوع، دخلت المكان واستنتها وجت وقعدنا سوا بس صوتها كان عالي جدا، المكان كله كان سمعها، وبعدين استأذنت عشان تدخل الحمام، راحت ومارجعتش ومن يومها وإحنا ماتكلمناش تاني يعني.

6- سوقت 3 ساعات عشان نروح "ديت" ناكل وسبت موبايلي في العربية ولما رجعت للعربية لقيت قريبي باعتلي رسالة بيقولي فيها "متأكد إن البنت دي مناسبة بالنسبالك؟"، وبعدين هي كمان سألت نفس السؤال وهي متنرفزة غالبا شافت الرسالة يعني، رجعنا نفس الطريق تاني 3 ساعات سواقة واحنا ساكتين.

7- خرجت في "ديت" مع بنت وإحنا في ثانوي وده كان أول "ديت" في حياتي، روحنا اتفرجنا على فيلم "The Fourth Kind" وبعد الفيلم قعدنا في جنينة قريبة من بيتها، كنت مفزوع ومتوتر جدا وهي كمان، بس إيدي كانت بتعرق ووشي أحمر زي الاطفال الصغيرة، الدروس المستفادة من القصة دي إن أي أول "ديت" ليا ببقى بنفس الحالة دي.

8- اتعرفت على بنت مرة من "Tinder" كانت حلوة جدا وعجباني، وأنا رايح في الطريق اتصلت بيا وطلبت نتقابل قبل ما نوصل للمكان اللي رايحينه عشان تتأكد إني مش " serial killer" ولا حاجة، وبعدين بدأت تقولي إن صاحبها خلاص وقبل ما اروح على طول كانت قالتلي إنها بتحبني وإني ملاك ربنا بعتهولها من السما، ضحكتني جدا بس احترمتها أكيد.

9- كنت متحمس جدا إن أنزل "ديت" من "Tinder"، اتعرفت على بنت لطيفة جدا وحلوة وواضح غن فيه بينا حاجات كتير مشتركة، شربنا قهوة سوا وبعد 10 دقايق اكتشفت إن أي حاجة حلوة فيها قالتها من خلال الـ "Chat" بينا وكانت فعلا أطول ساعة قضيتها.
 

Comments: