١٠ اختراعات من كوكب اليابان: التكييف جوه القميص

10/10/2018


 

"صنع في اليابان" مش بس علامة مميزة على الجودة، هي علامة بتدل على غرابة المنتج خصوصا لو كان المنتج متعلق بالتكنولوجيا، وبرضو هي كلمة بتدل على منتجات فريدة من نوعها، يعني مثلا في اليابان ممكن تلاقي أغرب طعم  شوكولاتة "كيت كات"، اللي هي بنكهة الشاي الأخضر هي مش اختراع هيفيد البشرية بأي حاجة بس اختراع برضو في حد ذاته، إحنا جمعنا أغرب الاختراعات اليابانية في الموضوع ده:

1- المسطرة فيها أشكال رسم: ممكن ترسم من خلالها شوية أشكال زي الأرنب والآيس كريم، آه كان عندنا في مصر زمان شبهها بس للأشكال الهندسية بس لكن الفكرة اتطورت وبقيت مسطرة فيها رسومات كتير.

2- جورنال للرضع: في اليابان اخترعوا جورنال للأطفال الرضع عشان يتسلوا فيه وإنت بتقرأ عشان يكون له الحاجات اللي بيقرأ فيها بدل ما يبهدل كتبك، وفعلا الأخبار اللي في الجرنان ده بتكون بجد مش مفبركة.

3- إيدين بتأكلك الشيبسي: بدل ما إيد سيادتك تتوسخ وكده من توابل الشيبسي أو في وجبات السناكس

4- فازة للصويت: عاملين فازة مخصوص بتحط بؤك فيها وتبدأ تصوت عشان تكتم الصوت، والفازة دي حجمها صغير وممكن تتشال في درج مكتبك.

5- جهاز لمساج وش القطط: بدل ما تتعب نفسك وتلعب مع قطتك ولما القطة تبقى عايزة ممكن تريح دماغك وتجيبك جهاز بيلعب في وش القطط وهيريحلك دماغك.

6- مروحة الباط: وهو جهاز مروحة بيشبك في كوم القميص "النص كم" عشان تهوي على الشخص في أيام الحر والصيف بدل العرق والتلزيق.

7- بيجامة للقطط: ليه ممكن تشيل القطط في إيدك وتمشي بيهم لما ممكن تعاملهم معاملة الكونجرو وتشيلهم في البيجاما بتاعتك

8- كاريوكي لـ 2 بس: بتحب الكاريوكي بس مابتحبش حد يسمعك وإنت بتغني؟ اخترعوا جهاز جديد في اليابان ممكن تغني فيه كاريوكي وكاتم للصوت بحيث إن ماحدش يسمعك وإنت بتغني غير الشخص اللي بتغني معاه.

9- ماونتن ديو تشيتوس: ظهر فترة في اليابان مشروب ماونتن ديو بس بطعم شيتوس

10- ريموت للتحكم في باسكت الزبالة: بدل ما تقوم وتتعب نفسك عشان ترمي حاجة في الزبالة ممكن تنده الباسكت لحد عندك وبدل برضو ما ترمي الحاجة جنبك وتبهدل الدنيا


 

Comments: