استقالة 200 موظف في "جوجل" بسبب التحرش الجنسي

01/11/2018

صحيفة "التليجراف" البريطانية قالت إن فيه 200 موظف استقالوا من "جوجل" النهاردة وده بسبب احتجاجهم على تغطية الشركة على جرايم التحرش اللي حصلت، وسبب الاستقالات الجماعية دي إن شركة "جوجل" كانت عايزة تدفع فلوس كتعويض مادي للنساء اللي اتعرضوا للتحرش في الشركة من مسؤولين مهمين في الشركة.

وقالت ميريديث وايتكر رئيسة مجموعة "جوجل أوبن ريسيرش"، إن مئات من الموظفين في "جوجل" عايزين تغيير هيكلي مش مجرد تغيرات غرضها الدعاية.

ومن أسبوع تقريبا، كانت "جوجل" أعلنت إنها فصلت 48 واحد من الموظفين من بينهم 13 مدير وده كان بسبب حوادث تحرش جنسي حصلت من 2016، وقال كبير المسؤولين التنفيذيين في الشركة عن طريق إيميل اتبعت لكل الموظفين إن الشركة "ستنتهج سياسة متشددة بشأن السلوك غير اللائق".


 

Comments: