في ذكرى ميلادها: جولة في أعمال "الفنانة التشكيلية" معالي زايد

05/11/2018

معالي فنانة كبيرة ومشهورة بأكتر من 100 عمل بين الأفلام والمسلسلات والمسلسلات الإذاعية، لكن اللي مش كتير يعرفوه إن معالي زايد كمان كانت فنانة تشكيلية ومهتمة بالفن ده جدا مش مجرد هواية على جنب، لكن عملت في حياتها معرض واحد بس لرسوماتها وده كان سنة 2003، وقبل وفاتها كانت بتحضر لمعرض تاني بس للأسف ماحصلش، واتعمل المعرض التاني فعلا لكن بعد وفاتها بسنتين، واستمر 10 أيام.

معالي زايد كانت ممثلة عظيمة خدت جوايز كتير عن أدوارها في السينما والتلفزيون  من أبرزها  شهادة تقدير من جمعية فناني الشاشة الصغيرة سنة 1982 عن دورها في مسلسل "دموع في عيون وقحة"، وجائزة أحسن ممثلة دور أول من مهرجان جمعية الفيلم في المهرجان السنوي الـ 14 عن فيلم "السادة الرجال" سنة 1988، وشهادة تقدير أحسن ممثلة عن دورها في مسلسل "الدم والنار" في مهرجان القاهرة الـ11 للإذاعة والتلفزيون، وشهادة تقدير من مهرجان القاهرة للإعلام العربي سنة 2006 عن دورها في مسلسل "حضرة المتهم أبي"، وشهادة تقدير من المجلس القومي لحقوق الإنسان عن دورها في مسلسل "امرأة من الصعيد الجواني" وشهادة تقدير عن إبداعها كأحسن تمثيل نسائي في المسلسل الدرامي "الراقصون على النار"، وشهادة تقدير من الجمعية المصرية لفن السينما عن دورها في فيلم "للحب قصة أخيرة" سنة 1986، وجائزة تقديرية من الجمعية المصرية لفن السينما عن دورها في فيلم "استغاثة من العالم الآخر" وغيرهم من الجوايز وشهادات التقدير.

من أهم الرسومات اللي عملتها معالي زايد هي لوحة لأمها "آمال زايد" بطلة فيلم "بين القصرين" واحد من سلسلة أفلام الثلاثية لنجيب محفوظ.

Comments: