٦ أنواع جروبات شات موجودة على موبايل كل واحد فينا

13/11/2018

يا ترى إيه أنواع الجروبات اللى عندك على الماسنجر وكام واحد إنت فيه ومتعرفش إنت فيه ليه أصلًا؟.. مهما كان عددهم ممكن تلاقي كام جروب من اللستة دي موجودين عندك بالماسنجر.

كل خروجة جروب
صحابك اللى ماشيين بمبدأ "أبو بلاش كتر منه"، هتلاقي عندك 20 جروب فيهم نفس الناس بس الاسم مختلف، وده ليه علشان بتحاولوا تتفقوا على خروجه وطبعًا  ده مبيحصلش.

جروب الشغل
الجروب اللى أغلبنا عامله mute لأنه أكتر جروب الناس بتتكلم عليه وتلاقيك مرة واحدة جاتلك 30 رسالة تقريبًا في الدقيقة الواحدة فبيكون أحسن حل للجروب ده هو وضع السايلنت.

جروب الشغل اللى من غير المدير
ده غير الجروب اللى فوق طبعًا، بيعمله أكتر واحد المدير مزهقه في حياته ومطلع عينه

جروب الشلة
الجروب اللى بيبقى مجمع صحابك لكل حاجة هتلاقي فيه كل حاجة، نميمة ماشي، شتيمة تلاقي، فقرة فرفشني يا ببلاوي فيه برضه

أنا فين؟
في جروب كده بيطلعلك مرة واحدة، لا تعرف الناس اللى جوه ولا فاهم هما بيتكلموا في إيه وهتحس وقتها بـ "أنا إيه اللي جابني هنا"

جروب الصحاب الشمال
جروب بينك وبين صحابك بس مش أي صحاب ولا أي نوع من الجروبات، ده جروب لو حد من بوليس الآداب عطر فيه هتتحبسوا

جروب الصور
بعد كل خروجه بيطلعلك جروب كده مليان صور الخروجه واللى غالبًا بتكون مع صاحبك اللى معاه iphone



 

Comments: