نقاب وجلباب.. أغرب إطلالات المذيعين على الشاشة

14/11/2018


على شاشة التلفزيون خصوصًا القنوات الإعلامية بيكون ضروري إن المذيع أو المذيعة يظهروا بشكل فورمال، لكن رغم الضرورة دي فيه مذيعين كسروا القاعدة دي وعملوا محاكاة بينهم وبين موضوع الحلقة اللى معروض.

هنشوف في الموضوع ده أغرب إطلالات للمذيعين.

جابر القرموطي
معروف عن المذيع ده إنه ميداني أكتر، بمعنى إنه بينزل يصور بنفسه أو بيتقمص دور معين في حلقات برنامجه.
في واحد من حلقاته ظهر جابر القرموطي بدور الجزار، وفعلًا لبس هدوم الجزار وكان شايل فخده تضامنًا مع حملة "بلاها لحمة" واللي كانت مناهضة لارتفاع أسعار اللحوم.

ووفي احتفالية ذكرى أكتوبر الـ42 أرتدى القرموطي الزي الكامل لرجل الجيش.

كمان في أحد حلقات برنامجه "مانشيت" لبس جابر القرموطي نقاب علشان يأكد الفكرة اللى بتقول إن ممكن يكون فيه حد لابس نقاب ويرتكب جرايم بيه.

وفي إطلالة جريئة من مذيع كندي ظهر بالعباءة السوداء والنقاب وقفازات  بقناة "صن نيوز" الكندية، وكان هدفه من الظهور بالشكل هو الاستهزاء من "ماريا" وهي أحد القنوات التلفزيونية واللي بيقتصر العمل فيها على المنتقبات.

مذيع ومقدم نشرة الأخبار الجوية للقناة الألمانية RTL ظهر وهو يرتدي "جلابية" صعيدي وكان سببه في كده إنه يحذر الناس من موجة الحر الشديدة القادمة في أوروبا وأعتقد إنها قادمة من أفريقيا.

شريف مدكور
يتعرض المذيع شريف مدكور للهجوم العنيف بسبب الملابس اللى بيرتديها على شاشة التلفزيون في بعض حلقاته وكمان تصرفاته في بعض الحلقات.. كانت من أغرب الأزياء اللي ظهر بيها هو جلباب في أحد حلقاته اللي تم إذاعتها في شهر رمضان، لكن تعرض لهجوم كبير جدًا بعد ما عمل صنفرة على شاشة التلفزيون، ودي حاجة خاصة بالسيدات والتجميل.

Comments: