٥ فوايد للحضن البريء: بيرفع هرمون السعادة

04/04/2019


الحياة قاسية وأحداثها متعبة مهما كنت على درجة عالية من الرفاهية، يوميا بنمر بمواقف بتخلينا عايزين حد يطبطب علينا أو يشاركنا في الأحداث دي ويقسمها معانا عشان نعرف نعديها، غالبا الحضن بيبقى أحسن مكان نفضي فيه المشاعر السيئة دي ونجدد طاقتنا اللي فقدناها منه، أيا كان مين اللي هتحضنه المهم يكون حد بتحبه وبيحبك سواء كان حد من صحابك، أو حد من أهلك، أو شريكك، الحضن مهم ومفيد لينا ولحياتنا، ليه بقي مهم؟ للأسباب دي:

1- لأن الحضن بيبقى قادر يبني الثقة والشعور بالسلام، وده بيساعد على التواصل أكتر بين الناس وبيخليهم يبقوا أكتر صدق مع بعض

2- الحضن بيعلى مستويات هرمون الأوكسيتوسين، وده بيساعد على علاج مشاعر الوحدة والعزلة والغضب.

3- الحضن زيه زي الشوكولاتة بيرفع مستويات هرمون السيروتونين، وده اللي هيخليك أكتر سعادة.

4- الحضن بيعلى "السيلف ستيم" حب أو احترام الذات عند الشخص، لإن بتحس أو بتتأكد فعلا إن البني آدم اللي حضنك هو فعلا بيحبك، عشان اللمس بيبقى مربوط بجهازنا العصبي، يعني أي حضن خدناه من أهلنا وإحنا أطفال محفور جوه دماغنا.

5- الحضن بيعلمنا نستقبل وندي اللي قدامنا، عشان بيبقى فيه تساوي بين المشاعر اللي بنستقبلها واللي بنديها للشخص اللي بنحضنه، بيعلمنا مشاركة مشاعرنا أكتر

Comments: