٨ أنواع رجالة أكيد قابلتي واحد منهم في حياتك

19/11/2018

بمناسبة اليوم العالمي للراجل حبينا نعرفك على أنواع رجالة أكتر عشان تتعرفي على طباعهم وشخصياتهم، وأكيد يعني هتبقي قابلتي كاركتر أو اتنين من اللي في الموضوع ده، ولو إنت راجل اللي بتقرأ يبقى اتعرف أكتر على الرجالة واعرف نفسك إنت أي شخصية من 8 أنواع الرجالة دول حسب موقع Your tango:

1- الراجل النرجسي "مرزوق": (أنا مفيش مره مابتحبنيش)

بيكون راجل جذاب، موهوب في شئ ما، وناجح، منمق في كلامه، جماله وكل المواصفات اللي قولناها دي بتحدف تعويذة كده على البنات اللي بيعرفوه، غالبا يعني، وبالرغم من كل ده أول ما هتعرفيه كويس هتقابلي متطالبات وانتقادات كتير وأنانية، الراجل النرجسي جذاب وخطر جدا، لإن بيحتاجوا نفسهم يكونوا كويسين دايما وبيحاربوا أي حد يقف قصادهم.

2- الراجل الأناني "عمر":

مش هيوضحلك إنه ملهوف عليكي، هو شخص عنده أعذار وحجج كتير وموقفه مش محسوم كده، بيتكلم عن الجزء اللي بيخصه دايما وكتير، بيقول للبنت اللي يعرفها إنه بيحبها بسرعة، بس هو في الحقيقة بيبقى عايز علاقة من غير أي إلتزامات من غير أسباب.

3- الراجل المعقد "أدم":

هو راجل بيحس إنه أقل منك أو من اللي حواليه عموما يعني، هتبقي فاكرة إنه قاسي أو صعب، الراجل اللي من النوع ده هتبقي فاكرة إنه شخص عادي مش عظيم بس بيطلع عنده إمكانيات قوية في شغله.

4- الراجل اللي بيخاف من الالتزام "حازم":

وده غالبا بيبقى عنده تاريخ طويل من العلاقات القصيرة، وغالبا بيبقى مش متجوز، وعند مبررات وحجج كتير لإنه مالقاش الست المناسبة له أو إنه ماعندوش وقت كفاية عشان يستقر وهيقول إنه حاول على فكرة، ومن ضمن الكلمات المفضلة عنده كلمة "يوما ما".

5-الراجل المتطفل "مسعود":

هو الراجل اللي بيعيش على أفا الست اللي معاها بمعني أصح، مش مادياً بس على فكرة هو الراجل عموما اللي بيستنى الست تساعده في أي حاجة في حياته، و بيحط الست اللي معاه كتير قدام الأذي بس المهم مصلحته يعني، الست اللي بتدخل معاه في علاقة لا بتستفاد منه ولا من علاقته في حاجة.

6- الراجل المتنمر "المعلم فرج":

دايما بيلوم الست اللي يعرفها على حاجات هي ماعملتهاش أصلا، بيتكلم مع الستات اللي في حياته كأنهم أطفال، بيستخدم نبرة تهديد حتى وهو بيطلب المساعدة من الناس اللي حواليه، بيحب طول الوقت بيتقد الشخصيات اللي حواليه سواء كانت شريكة أو ولاده حتى.

7- الراجل اللي شخصيته ضعيفة "بهاء":

هو الراجل اللي بيوافق على أي حاجة أي حد يقولها، احترامه لنفسه أو حبه لنفسه بيكون قليل، وماعندوش ثقة في نفسه، ومابيقدرش يعبر عن رأيه أو عن رغباته.

8- الراجل المرتبط "الحاج متولي":

هو الراجل اللي دايما فيه ست في حياته، هو يا متجوز يا خاطب يا مصاحب، المهم إن يبقي فيه ست شاغله تفكيره أو في حياته، يعني هو حتى لو انفصل هيقول برضه إنه متجوز أو مرتبط عادي.

Comments: