٩ تصريحات في افتتاح مهرجان القاهرة السينمائي

21/11/2018

افتتح أمس، مهرجان القاهرة السينمائي في دورته الـ٤٠، واللي يترأسه السيناريست والمنتج محمد حفظي لأول مرة، ومديره الفني يوسف شريف رزق الله، ومقرر استمراره في الفترة من ٢٠ نوفمبر وحتى ٢٩ لنفس الشهر، بحضور عدد كبير من المشاهير على مستوى الوسط الفني المحلي والعالمي.

وفي إطار حفل افتتاح المهرجان وتوزيع جوائز التكريم كانت فيه تصريحات فيها المختلف وفيها الجريء، إليكم أهم تصريحات حفلة افتتاح مهرجان القاهرة السينمائي الدولي.

حسن حسني: "أنا سعيد قوي إنهم لحقوا يكرموني وأنا لسه عايش"

سمير صبري:"الحمد لله إني عيشت وأدوني جايزة"

سمير صبري: "كانوا بيسألوني وأنا صغير نفسك تطلع إيه كنت بقول ممثل زي أنور وجدي وأنور وجدي تحديدا علشان كان بيبوس ليلى مراد في الفيلم"

شريف منير: " أنا بلعب على الدرامز علشان بقالي سنتين مشتغلتش"

هشام نزيه: "صعب تطلبوا مني أقول كلمة في المهرجان لأنه سبب رئيسي إننا نألف موسيقى هو أننا مبنتكلمش"  

يسرا:  "إن محمد حفظي رئيس المهرجان هو أصغر وأذكى رئيس مهرجان، وأثق فيه بشدة"

ظافر العابدين: "أشاهد ٢٠٠فيلم فالمهرجان ليتمكن من اختيار الأفضل"

محمد رمضان: " دي اول مرة أشارك بالمهران وفخور بيه، وحاليًا بوقع عقد لمسلسل جديد، وبيستعد لفيلم جديد بعنوان رجالة حمزة، وفيلم تاني بعنوان بطل عادي"

أبو بكر شوقي: "السينما المصرية تحتاج لمنفذ للوصول للجمهور، بالإضافة إنها تحتاج للدعم"

Comments: