صور.. اكتشاف مقبرة فرعونية بها ألف تمثال في الأقصر

25/11/2018

زمان قالولنا إن الأقصر فيها ثلث آثار العالم، مفيش حاجة كانت واضحة قدامنا في الأقصر غير معبد الكرنك ومعبد الأقصر ووادي الملوك والآثار المشهورة، لكن على مدار الوقت، كل شوية بيظهر اكتشاف لمقابر وآثار جديدة في محافظة الأقصر.

موقع BBC كتب إنه تم اكتشاف مقبرة فرعونية بيرجع عمرها لأكتر من 3500 سنة في وادي العصاصيف اللي هو قريب من مدينة الأقصر، عن طريق بعثة أثرية تابعة لجامعة ستراسبورج الفرنسية، لقوا فيها تابوتين كل تابوت منهم فيه مومياء حالتها كويسة جدا، وكان فيه في المقبرة برضه 1000 تمثال جنائزي.

بيعتقدوا إن تاريخ المقبرة بيرجع للأسرة الـ 18 اللي امتدت من سنة 1550 قبل الميلاد لسنة 1300 قبل الميلاد، وقال الأمين العام للمجلس الأعلى للأثار مصطفى وزيري في مؤتمر صحفي يوم السبت 24 نوفمبر، إن الفريق نجح في العثور على المقبرة بعد استكشاف الموقع من شهر مارس.

Comments: