٨حاجات بتعملها البنات في المدارس الثانوي "غير الدراسة"

26/11/2018


إذا كنتِ من البنات اللى قضت فترة الثانوية  في مدرسة خاصة فأنتِ فاتك كتير، علشان قصص وحكاوي مدارس ثانوي في المدارس الحكومي حاجة تانية خالص.

مبدأيًا كدة، مفيش حاجة اسمها أنا رايح المدرسة اتعلم، الكلام ده كان في ابتدائي و kg2 إذا مكنتش اتعلمت في kg1 .

دي الحاجات اللى كانت بتعملها كل البنات في المدارس الثانوي

- الكت من الحصص، يعني لما كنا بنهرب من  الحصص ونروح نقعد على السلم

- جواب استدعاء ولي الأمر اللي كان مبيفارقش بيتنا

- الرقص.. أيوة كنا بنرقص في المدرسة الثانوي، نقفل الباب علينا ونشغل أغاني ونقضيها رقص في غفلة من رجال الأمن

- مكناش بنرقص بس كنا، إحنا كنا بنعمل حواجبنا، وكان في كوافير حريمي جوه الفصل

- فقرة التيلفونات، يعني أحلى فقرة في اليوم لما كل واحدة تكلم صاحبها

- لو مكلمتيش صاحبك في التليفون جوه المدرسة بتخرجي تلاقيه مستنيكي بره، وتاني يوم المدرسة كلها بتعرف

- كان لما واحدة صاحبتنا تتجوز وهي في الثانوي وده ممنوع، كان بيبقى سر قومي مينفعش يطلع بره خالص

- خناقات المدرسة، لما تقوم خناقة بين شلة وشلة بيبقى كان قامت حرب في المدرسة وفيه عصابتين مافيا بيتخانقوا

Comments: