شوف أول صور للمريخ من مسبار "ناسا"

27/11/2018

يوم الاتنين 26 نوفمبر، المسبار "إنسايت" التابع لوكالة الفضاء "ناسا" هبط على كوكب المريخ، وبعت كمان أول صورة للمريخ أو زي ما بيقولوا عليه "الكوكب الأحمر"، ووفقاً لقناة "سكاي نيوز" فالمسبار بيحمل معدات لرصد درجة الحرارة وهزات الزلازل في المريخ، ودي حاجات محدش قدر يقيسها قبل كده في أي مكان غير كوكب الأرض.

انطلق المسبار من ولاية كاليفورنيا في شهر مايو اللي فات لمهمة دراسة أعماق المريخ اللي مدتها هتكون سنتين، معنى كده هبوط المسبار على كوكب المريخ خد وقت 6 شهور، وقطع مسافة 548 مليون كيلومتر من الأرض للمريخ.

المدة اللي هيقضيها المسبار "إنسايت" حوالي 24 شهر، يعني سنة مريخية واحدة، عشان ياخد قراءات زلزالية وحرارية وده اللي هيساعد في معرفة معلومات عن إزاي اتشكل كوكب المريخ وأصل الأرض و الكواكب الصخرية في المجموعة الشمسية.

وعموما، أمريكا بدأت أول رحلاتها للمريخ في الستينات، ودي الرحلة الـ 21 لاستكشاف المريخ.

Comments: