١٠ أبلكيشنز هتساعدك تلتزم بالدايت: أكل صحي وتمارين رياضية

27/11/2018

علشان تحافظ على الدايت لازم تبقى متابع وزنك بشكل مستمر، كمان لازم تبقى ماشي على نظام غذائي صحي ومظبوط من حيث عدد السعرات الحرارية اللي فيه، ده غير لعب الرياضة حتى ولو كانت مشي.

الموضوع ده هيساعدك تتعرف على أبلكيشنز للتخسيس،  وتعرف كل واحد فيهم بيعمل إيه أو بيساعدك إزاي في خسارة الوزن.


Lose It
من أشهر التطبيقات المتاحة على متجر جوجل، واللي بيساعدك على التدوين المستمر لوزنك.
في الأول بتسجل كل المعلومات الخاصة بيك،  وكمان بتدخل الوزن اللى عاوز توصله، ويوميًا بتدخل كل الحاجات اللي بتاكلها فبيقدر يحسبلك كل السعرات الحرارية اللي كلتها في اليوم.

Diet Assistant
الأبلكيشن ده بيشتغل كمساعد ليك، يعني يقولك على نصائح هتفيدك في خسارة الوزن، كمان بيعرفك على الأكل الصحي والمناسب للدايت.

Ideal Weight  
التطبيق ده بيشبه لحد كبير التطبيق السابق، كل اللي بيعمله إنه بيدي معلومات عن إزاي توصل للجسم المثالي بعد ما يحسبلك الجسم المثالي المناسب لطولك ووزنك.

WeightBot
أهم ميزة في الأبلكيشن ده هو سهولة استخدامه بسبب تصميمه، استخدام التطبيق ده متعلق باتجاه عقارب الساعة، فلو قلبت الموبايل في اتجاه عقارب الساعة هنا التطبيق هيظهرك  رسم بياني يوضحلك من خلاله مقدار الوزن اللى إنت خسرته.
أما إذا قلبت الموبايل في الاتجاه العكسي وقتها هيظهرلك مخطط بالوزن اللي لازم إنك تخسره علشان توصل للجسم المثالي مش بس كده التطبيق بيقدر يوفر ليك نظم غذائية فعالة جدًا للتخسيس.

Fooducate
على عكس التطبيقات السابقة الأبلكيشن ده بيوضحلك الأكلات اللي مش بتساعد على خسارة الوزن وبتكون ضارة بالصحة، كمان الأبلكيشن بيساعد
على تقييم سريع للمادة والسعرات الحرارية.


 



My Fitness Pal
بيحتوي التطبيق ده على مليون ونص وصفة طعام صحي وكلها سهلة وبسيطة ده غير  التمارين الرياضية اللى بيوفرها وطبعًا بيكون ليه دور في خسارة الوزن.

Ladies' Office Workout

التطبيق ده مخصص شوية للتمارين اللي تعملها في الشغل وبتساعدك على خسارة الوزن برضو علشان تكون ملتزم بالدايت في كل مكان.


My Diet Coach

أهم حاجة بتميز الأبليكيشن ده هو إن فيه منبه بيفكرك بشرب الماية والخضروات المفيدة بشكل مستمر مع النصايح والتوجيهات اللي يوفر كل تطبيقات الرجيم والتخسيس.

Diet Point Weight Loss

الأبلكيشن ده بيوفرلك 130 نظام غذائي صحي شامل أكثر من نوع في الأطعمة، كمان فيه ميزة تانية إنك تقدر تشتري وجبات مخصصة للدايت من خلاله.

Noom Coach
الأبلكيشن ده قايم على منهج في علم النفس بيحدد من خلالها العوامل المحفزة لخسارة الوزن وكمان السلوكيات اللي ليها علاقة بصحة الوزن، وبشكل عام التطبيق ده بيساعدك على الحفاظ على صحتك ووزنك.









 








 

Comments: