أول حيوان عينك هتشوفه هيكشف تفاصيل شخصيتك

29/11/2018

كلنا بنحب نسمع أي تحليل ليه علاقة بشخصيتنا، سواء كان تحليل مبني على أسئلة أو على مواقعنا من الأبراج، حتى لو كان التحليل مش عاجبنا، وفي التحليل الجاي اللي قدمه موقع Yourtango، حدد إيه أول حيوان قدرت عينك تكتشفه وتتعرف عليه من النظرة الأولى، والحيوان ده هيبقى بيعكس الجوانب الأساسية في شخصيتك، بعد ما تحدد الحيوان انزل شوف تحليل شخصيتك المبني عليه.

1- الحصان:

الخيول عموما والأحصنة خصوصا بتمثل القوة والدوافع اللي بتحفز الشخص على متابعة أهدافه وطموحاته، وهي علامة على إن الشخص قادر يحافظ على التوازن بين طبيعته الغريزية في حين إنه كمان قادر يتعامل بطريقة مرنة مناسبة مع المجتمع، بالإضافة كمان لإن الأشخاص اللي شافوا الحصان أول حاجة، بيتمتعوا بطاقة جنسية كبيرة.

2- الديك:

لو شوفت الديك أول حيوان، فإنت شخص بيحب يظهر حماسه ويشاركه مع الناس عشان يحقق أقصى استفادة، الديوك كمان معروفة في الثقافة الصينية بـ 5 مزايا واللي هما: المسؤولية والإخلاص الزوجي، والشجاعة، والعطف، والثقة.

3- سرطان البحر:

بيتقال إن سرطان البحر موجود عشان يفكرنا بحاجات معينة زي إننا مانقدرش ناخد طريق واحد مستقيم عشان نحقق أهدافنا، ولازم نبقى مستعدين لخطوات جانبية وتغييرات بتحصل على الطريق ووجهات نظر جديدة، والشخص اللي بيشوف سرطان البحر في الأول بيبقى شخص خجول وحساس جدا، ولازم يستغل الوقت اللي بينعزل فيه مع نفسه بحكمة لمصلحته ولمصلحة اللي حواليه.

4- فرس النبي:

الأشخاص اللي بيشوفوا فرس النبي الأول أشخاص عندهم احتياج عميق للسلام والهدوء، هما برضه الأشخاص اللي غرقوا في الفوضى والزحمة اللي جايين من برا نفسهم، وماكنش عندهم اختيار غير إنهم يتعلموا إزاي يتحكموا في الوضع الخارجي عشان يقدروا يرجعوا لحقيقتهم الداخلية الحكيمة، إنت كمان شخص عندك القوة الكافية إنك تعيش حياتك بالإيقاع اللي يناسبك، إنت كمان شخص ذكي وعندك نظرة بما فيه الكفاية إنك تاخد للقرارات السريعة في الضروريات.

5- ذئب:

لو إنت شخص شاف الذئب الأول فإنت شخص منظم جدا فاهم التوازن بين الانسجام وضبط النفس، إنت غالبا عندك ثقة في وجهة نظرك القوية، وبتقدر تكون روابط عاطفية سريعة وقوية بالناس اللي حواليك، إنت كمان شخص ذكي وقوي وقادر تحافظ على شبكة علاقاتك بصحابك وعيلتك.

6- الكلب:

لو شوفت الكلب أول حاجة فإنت محتاج تعرف إنك شخص طيب ومخلص وصادق مع نفسك، ممكن تبقى مؤخرا مابقيتش تشوف إنك تستحق احترام نفسك، وعموما إنت روحك حلوة جدا وعندك طاقة حب هايلة، عشان كده صعب جدا إن حد يكسر روحك بالكامل، كمان عندك ولع بخدمة الناس، وطاقة الحب بتشع من كل اللي بتقوله وتعمله للي حواليك.

7- النسر:

الشخص اللي بيشوف النسر في الأول هو شخص بيكون محتاج يسمع رسايل قلبه عشان يقدر يفتح الأبواب المقفولة ويمشي في طريقه للهدف اللي هو عايزه، ولو إنت بتحب النسر فعلا، فاعرف إنك شخص حر وواقف  دايما على أرض صلبة.

8- الفراشة:

الشخص اللي بيشوف الفراشة هو الشخص اللي بيقى قادر يتأقلم على التغيير والخروج من المناطق الآمنة، هما أحسن ناس يستحملوا التغيير، بتقبل الحاجات زي ما بتيجي وبتعرف تتحول بسرعة عشان تواجه اللي بيجي في طريقك، عندك برضه جانب حساس جدا في شخصيتك، جمالك واضح جدا للكل، وبتجلب السعادة والفرح لكل شخص محظوظ موجود في دايرتك.

9- الحمامة:

الحمام هو رمز السلام دائما وأبدا، عشان كده لو إنت شوفت الحمامة أول حاجة يبقى إنت شخص مدرك كويس جدا إن أحسن طريق عشان تحقق اللي إنت عايزه في العالم ده هو إنك تفرد جناحتك وتستسلم وإنت عارف إن الرياح والهوا هياخدوك للبيت، اللي بيشوفوا الحمامة أول حاجة هما أكتر أشخاص مبدعين في العالم، بس لازم تبقى ماتسمحش لحد إنه يستغل طبيعتك دي بأي شكل من الأشكال.

Comments: