موقع إباحي هيمنع موظفيه من شرب قهوة "ستاربكس".. اعرف السبب

02/12/2018

شركة "ستاربكس" العالمية المتخصصة في صناعة القهوة، واللي عندها آلاف الفروع من الكافيهات في كل مكان في العالم، فاجأت جمهورها بإنه من بداية سنة 2019 هتمنع دخول الزباين على المواقع الإباحية، من خلال التحكم في شبكات الواي فاي المنتشرة في فروعها، وبالتالي أي زبون مش هيقدر يوصل من خلال الإنترنت المجاني في الكافيه، لأي مادة إباحية.

أحد المتحدثين باسم "ستاربكس"، قال في تصريح لموقع قناة NBC الأمريكية، إنه خلال السنين اللي فاتت كانوا الزباين بيستخدموا شبكات الواي فاي لتصفح محتويات جنسية، وإن الشركة قدرت توصل لحل يمنع التصفح ده من بداية السنة الجديدة، وهو القرار اللي كانت "ستاربكس" أعلنته في 2016، لما قالت إنها هتحاول منع أي محتوى خارج من العرض داخل فروعها.

لكن YouPorn، وهو موقع إباحي شهير وواحد من أكتر 200 موقع تصفحا في العالم كله، عمل خطوة مضادة لخطوة ستاربكس، وقرر يمنع الموظفين من استهلاك أي منتج من منتجات "ستاربكس" في مكاتب المؤسس.

وحسب موقع Mashable، فإن متحدث باسم YouPorn أعلن إن الشركة بعتت خطاب لموظفيها، بتأكد فيه على منع "ستاربكس" من مكاتبها، وموقع "فوربس" نشر الخطاب الموقع من charlie Hughes نائب رئيس الموقع الإباحي، واللي اعتبرها "فوربس"، إنها نوع من أنواع الدعابة أو الهزار بين الإدارة العليا في YouPorn وبين الموظفين.

Comments: