مزادات عالمية: فستان مارلين مونرو ومنديل أم كلثوم بـ 9 مليون دولار

03/12/2018

فيه ناس غاوية اشتري الحاجات القديمة خصوصًا لو الناس مشاهير، حتى لو تمن الحاجه منهم وصل لأكتر من مليون دولار.
شوف في المضوع ده أشهر المزادات العالمية واللي كان آخرهم سلم برج إيفل.

مرآة تيتانيك بـ 10 آلاف دولار
اتعرضت مرآة تايتنك في مزاد علني في  دار "ريتشارد وينترتون" ببريطانيا للبيع، واللي اتعرضت بسعر أولي 10 آلاف دولار، ده وفقا لصحيفة "ذا صن" البريطانية.

- سلم برج إيفل بـ 191 ألف دولار
بيتكون السلم من 25 درجة، وبيبلغ ارتفاعه 4.3 متر أما عن وزنه فهو 990 كيلو جرام.
وقال المتحدث باسم "دار أرتكو ريال" إن اللي اشترى الجزء ده من السلم دفع مبلغ 191 ألف دولار أمريكي لكن رفض الإعلان عن اسمه.

- فستان مارلين مونرو بـ 4 مليون دولار
اتباع فستان لمارلين مونرو بـ 4.8 مليون دولار (اقترب من 5 مليون دولار)، وكانت "مونرو" ظهرت بالفستان ده وهي  بتغني "هابي بيرثداي مستر بريزيدينت" في عيد ميلاد الرئيس الأمريكي جون كينيدي ، والفستان مرصع بـ 2500 بلورة.

- سترة مايكل جاكسون بـ 300 ألف دولار
واتباعت سترة لمايكل جاكسون بـ 300 ألف دولار في مزاد اتعمل في نيويورك، نظمته دار "جوليان للمزادات"

- جائزة لمارلين  مونرو بـ 250 ألف دولار
اتباعت جايزة جولدن جلوب بمبلغ قياسي وصل لـ 250 ألف دولار في مزاد دار جوليانزا في كاليفورنيا

- كرسي ستيفن هوكينج بـ 300 ألف جنية إسترليني
اتباع الكرسي المتحرك لعالم الفيزياء الشهير "ستيفن هوكينج"  في مزاد علني بسعر 300 ألف جنية استرليني، كمان اتباعت رسالة علمية ليه بـ 600 ألف استرليني.

- منديل أم كلثوم بـ 5 مليون دولار
اتعرضت مقتنيات أم كلثوم في مزاد علني في سنة 1999، واللي كان منها النضارة السودة والمنديل الأحمر وتم بيعهم بـ 5.5 مليون دولار.

Comments: