١٤ تصريحا لرانيا يوسف عن أزمة الفستان: "ده حسد.. وأهلي كانوا معايا وأنا بشتريه"

04/12/2018

مع كل مهرجان سينمائي بيكون فيه ضجة على إطلالات المشاهير، خصوصًا الجريء منها.

رانيا يوسف في مهرجان القاهرة السينمائي خدت الضجة كلها وطلعت ترند بسبب فستانها، رانيا كان رد فعلها على الهجوم الشديد اللي اتعرضتله هو بيان بتعتذر فيه للجمهور وبتوضح الموقف المحرج اللي حصل معاها، لكن بعد ما وصل الموضوع للقضاء ورفع قضية عليها بتهمة الفعل الفاضح، قررت إنها تطلع في التلفزيون وتشرح للناس اللى حصل وتدافع عن نفسها

دي كانت  أهم تصريحات رانيا يوسف مع عمرو أديب في برنامجه "الحكاية"  على MBC مصر :


- أهلي وبناتي كانوا معايا وأنا بشتري الفستان من مول  في مدينة عربية

- مشكلة الفستان الوحيدة هي البطانة، لأن الفستان تقيل جدًا والبطانة خفيفة ومرنة فاترفعت


- لما الفستان اترفع محدش  في المهرجان نبهني إني أعدله

- كل المصورين صوروني من قدام وده مكنش فيه مشكلة، الغلط كان في المصور اللى صورني من ورا

- صاحبتي إيمي سالم  هي اللي نبهتني إن البطانة اترفعت وبعدها دخلت الحمام عدلته


- التصريح اللي قولت فيه إن ده لبس المهرجانات مكنش على الفستان كان على بدلة يوم الافتتاح

- موديل الفستان مش جديد، و اتلبس 500 مرة قبل كدة

- أنا مش محتاجة شهرة ولا محتاجة أطلع ترند

- أنا بعد كل عمل ليا يحصلي مشكلة، كويس إن العين جات فيا أنا

- تعليقات الناس على فستان في المهرجان كانت "فستانك شكله حلو قوي"

- أخويا أول واحد عرفني إني ترند على السوشيال ميديا وقالي "إيه الفستان ده"


- لما شوفت الصور قلت الناس ليها حق تزعل

- بقول للمحامي اللي رفع قضية عليا "كنت ممكن ترفع سماعة التليفون تسألني الأول"

- بناتي رجعوا من المدرسة زعلانين وبيعيطوا بعد اللي حصل.

Comments: