٦ أفلام لنجوم "الأوسكار" في كريسماس ٢٠١٨

06/12/2018


ليلة رأس السنة أو موسم رأس السنة والشتا بيحبوا الخروجات الـ Indoor، عشان كده السينما بتبقى أحسن اختيار في الأوقات دي، خصوصا لو داخل فيلم إنت ضامن إنه هيبقى حلو، هنقولك أكتر 6 أفلام ضامنين جودتهم هيتعرضوا في مصر موسم الكريسماس، ومن الضمانات اللي هتخلي الأفلام دي حلوة، هي إن صناعها حاصليين على جوايز أوسكار أو مرشحين ليها، سواء كانوا ممثلين أو كتاب أو مخرجين.. والأفلام دي هتنزل في دور العرض المصرية بداية من الأسبوع الجاي، وهتستمر لحد موسم الكريسماس وبداية السنة الججديدة

1- Private War:

بتدور أحداث الفيلم عن أشهر مراسلة حروب وهي (ماري كولفين)، وهي شخصية متمردة ودايما في الصفوف الأمامية في أماكن الصراعات في العالم كله عشان تساعد اللي مالهمش صوت يبقى ليهم صوت، الفيلم بطولة روزاموند بايك وإخراج ماثيو هاينيمان تأليف أراش أميل.

2- Ben is back:

قصة الفيلم عن "بن" الولد المضطرب اللي قرر يرجع لعيلته ويستقر معاهم في ليلة الكريسماس، وأمه بترحب بيه وبتستعد لرجوعه، وبعد كده الأم "هولي" بتدرك إنه في طريق الأذي، وخلال الـ 24 ساعة اللي ممكن يغيروا حياة العيلة للأبد بتعمل "هولي" كل اللي عليها عشان تحمي عيلتها، الفيلم إخراج وتأليف بيتر هيدجز.

3- Green Book:

بتدور أحداث الفيلم عن العلاقة بين توني ليب (فيجو مورتينسون)، الحارس الإيطالي الأمريكي اللي بيتم استئجاره، لصالح  د. دون شيرلي (ماهرشالا علي)، واحد من أشهر عازفين الجاز اللي بياخد جولة بين معالم جنوب أمريكا، ولأن دون شيرلي من أصل أفريقي أمريكي، فاعتمدوا في الرحلة بتاعتهم على كتاب النيجر الأخضر عشان يدلهم على مكان الفنادق والمطاعم ومحطات الوقود، الفيلم من إخراج بيتر فاريلي وتأليف بريان هايز كوري وبيتر فاريلي.

4- Mortal Engines
امرأة غامضة تدعى "هيستر شو" تنضم لقوات "آنا فانج"، وهي منظمة خارجة عن القانون و"توم ناتسوورثي" منبوذ من لندن، يقود تمرد ضد مدينة عملاقة على عجلات. الفيلم ده صناعه هم نفس صناع سلسلة The Lord Of The Rings وسلسلة The Hobbit إخراج كريستيان ريفرز وتأليف فران والش وفيليبا بوينز،

5- The Possession of Hannah Grace

بعد خروج الشرطية "ميجان" من فترة إعادة التأهيل، شغلها بعد كده هيكون عبارة عن تأمين مشرحة مستشفى مدينة مورجو، وهتواجه سلسلة من الأحداث الغريبة والعنيفة، اللي بيتسبب فيها كيان شرير في جثث واحد من الموتى الفيلم إخراج ديدريك فان روين، وتأليف بريان سيف.

6- Cats:

بتدور أحداث الفيلم عن القطة "بلانكيت" قضت معظم حياتها في شقة فخمة مع ابنها "كلوك"، اللي بيقرر الخروج للمدينة واسكتشاف العالم الخارجي وخصوصا عشان يدور على "جنة القط الأسطوري"، الفيلم إخراج جاري وانج.

Comments: