الجزء اللي هتقع عينك عليه في الصورة هيكشف طبيعة شخصيتك

06/12/2018

الفن بيؤثر على سلوك الأشخاص، فيه أبحاث اتعملت على حوالي 10 آلاف طالب، ولقوا إن زيارة ساعة لمتحف فنون بيزود التفكير النقدي عند الطلاب والتعاطف بينهم، وأظهرت الأبحاث إن النظر لعمل فني بيبقى سبب في إطلاق مادة الدوبامين في المخ وهو نفس تأثير الوقوع في الحب، وده حسب موقع The Minds Journal

الصور وطريقة إدراكنا ليها بتوضح أبعاد وانعكاسات نفسية كتير جوانا، في الاختبار الجاي موقع The Minds Journal استخدم الدراسة دي عشان يكشف عن الجوانب المختفة في شخصيتك، بص للصورة دي وشوف إيه أول جزء عقلك هيدركه.

1- لو شوفت وش الراجل العجوز:

ده معناه إنك شخص بتشوف الصورة الأكبر في الحياة، وبتعرف إيه المهم بالنسبالك، بتفكر في اللحظات اللي بتقضيها وبتفتكر الأوقات اللطيفة والكلام اللي إنت ممتن له، غالبا هتبقى قابلت شخص قدر يخليك تعدي أوقات صعبة في حياتك، وبتحاول ترد ده للي حواليك، وده شيء بيجلب السلام الداخلي ليك، وغالبا إنت شخص عايز تنشر الحب في العالم وقلبك هو السبب في ده.

2- لو شوفت الفارس اللي ماسك الدرع:

ده معناه إنك شخص عايز تتبسط وتستمتع بالحياة، لكن عندك بعض الاضطرابات العاطفية، وده السبب اللي بيخليك دايما تمنع نفسك من التعرض لأي أذى، غالبا إنت شخص محتاج يدخل في علاقة أو عنده رغبة في إنه يلاقي صداقة، ولازم تخلي بالك من نفسك أكتر من كده، محتاج تقنع نفسك إنك شخص محبوب ورائع، ولو فيه أي أذاي داخلي جواك حاول تخرج منه، خليك واثق من نفسك، وحب نفسك الأول وبعدين باقي الناس هتحبك، لو فيه حد في حياتك بيدعمك بلاش تخليه يبعد عنك، عيش وقتك وحياتك العالم مليان لحظات حلوة.

3- الراقصان:

لو شوفت الشخصين اللي بيرقصوا فده معناه إن عندك موقف رومانسي متخفي ناحية الحياة، وهو شيء إنت مابتشركهوش مع أي حد، وبالرغم من إنك شخص بتحب اللي حواليك جدا فعندك مشكلة وصعوبة فالتعبير عن حبك ليهم، وفي بعض الأوقات لازم تتكلم لإنها ممكن تبقى كلمات أو جمل صغيرة بس بتعبرأو بترمز للحواليك عن الحب وبتوضحلهم أهميتهم في حياتك، وغالبا إنت شخص عندك رغبة خفية في الاستمتاع، عشان كده ماتخفيهاش حاول تحط دايما خطط للسفر أو ابدا اعمل الحاجات اللي إنت عايز تعملها طول حياتك، عشان الحياة رحلة جميلة ماتضيعش وقت.

Comments: