٧ نقط تلخص واقعة الصورة الإباحية على هرم خوفو: المصور مش أول مرة يعملها

06/12/2018

النهاردة، فوجئ المصريين بفيديو في نهايته صورة إباحية لمصور دنماركي اسمه أندرياس هيفيد مع صديقته فوق هرم خوفو، الفيديو أثار استياء كبير على السوشيال ميديا، نظرا لأن الأهرامات هي أهم رمز تاريخي مصري واستخدامها في أغراض إباحية شيء مرفوض، النقط الجاية بتلخص واقعة الصورة الإباحية فوق الهرم:

- الفيديو منشور يوم 5 ديسمبر، مدته 3 دقائق وبيرصد رحلة تسلق المصور مع صديقته لقمة الهرم الأكبر، وفي آخر ثواني في الفيديو بتظهر الصورة الإباحية لأندرياس مع صديقته

- المصور الدنماركي نشر الفيديو على "يوتيوب" وقال إن الواقعة حصلت في نهاية نوفمبر اللي فات، وإنه تسلق هرم خوفه مع صديقته لكنه ماقدرش يصور الرحلة كلها خوفا من انتشار رجال الأمن في المنطقة بأعداد كبيرة

- الفيديو اتشاف على "يوتيوب" - حتى الآن - 5 آلاف مرة

- وزارة الآثار هتفتح تحقيق في الواقعة دي، لكن غالبا الحوادث اللي شبه حادثة أندرياس وصديقته بتتم خلسة

- المصور بيعرف نفسه على حسابه على "إنستجرام" بأنه متخصص في الـ Nude Art وإنه محب للسفر واستكشاف الأماكن، وهو مصور مش مشهور أوي وحسابه على ألف فولور بس، وعنده موقع إلكتروني

- حساب أندرياس هيفيد على "إنستجرام"، بيوضح إنه بيحب تسلق المرتفعات وليه عدد كبير من الصور في أماكن مرتفعة أو أماكن أثرية مشهورة في العالم، ونشر من الأماكن دي صور إباحية مشابهة للصورة اللي خدها مع صديقته فوق هرم خوفو.

- من الأماكن اللي التقط فيها أندرياس صوره الإباحية، بانكوك، هونج كونج، باميلا، 

- التعليقات على الصورة اللي نشرها أندرياس مليانة غضب، وعلى سبيل المثال بنت اسمها عليا منير علقت "إزاي تجرؤ وتبقى فخور بفعل غير قانوني زي ده؟ إنت مكانك السجن"، لكن 80% من التعليقات كانت شتايم صريحة للمصور

حساب أندرياس على إنستجرام

Comments: