أغرب قوانين العالم: لو ماشبعتش مش هتحاسب على الأكل

18/12/2018


القوانين في العالم بيكون هدفها إنها تحافظ على النظام وتمنع الجريمة والعنف، رغم كدة فيه قوانين لسه مش عارفين السبب فيها، وتعتبر من أغرب القوانين اللي موجودة في العالم.

في إنجلترا، رغم إنها بلد الحريات هتلاقي محطات سكك حديد فيها لافتات مكتوب عليها "ممنوع التقبيل"، مش بس إنجلترا اللي فيها قوانين غريبة، كمان اليابان حظرت على المواطنين زيادة الوزن، فيه قانون اسمه "ميتابو" وده بيجبر الناس اللي بيتعدى سنهم الـ 40، إن وسطهم يكون بين 32 و36 بوصة، رغم غرابة القانون لكنه مش بيفرض عقوبات على المخالفين، لأن ببساطة الهدف منه هو إلزام المؤسسات والشركات تطبيقه على الموظفين.


فيه في الدنمارك قانون هيهم الناس اللي بتحب الأكل، القانون عنوانه "لا تدفع إذا لم تشبع"، القانون بيطبق على كل المطاعم الموجودة في الدنمارك وفكرته إنك لو طلبت أكل في مطعم ومحستش إنك شبعان ببساطة مش هتحاسب على الأكل.

في سنغافورة اللبان ممنوع، لو حاولت وكلتها ونسيت ورميت اللبانة على الأرض في الشارع هتضطر تدفع 500 دولار غرامة.

 


أما ولاية مينيسوتا الأمريكية، فالقانون بيمنع نشر الملابس الداخلية للرجال والنساء على حبل واحد، ومش معروف سبب القانون ده لحد دلوقتي ولا هل بيتم تطبيقه فعلا ولا لأ.

أما إسبانيا، فكان ليها نصيب من أغرب القوانين في العالم، قانون السير في إسبانيا بيمنع قيادة السيارة بصندل أو أي حاجة شبه.

Comments: