٦ حاجات محظورة عليك وقت الامتحانات

19/12/2018

في حاجات بتبقى محظورة علينا وقت الامتحانات لأنها ممكن تضيع اليوم كله، ورغم إن الحاجات دي بتكون مفيدة لينا علشان نفصل شوية عن مود المذاكرة، بس برضه بيبقى محظور علينا نعملها وقت الامتحانات.

- mbc2
معروف عن mbc 2 إنها بتحب الطلبة أوي لدرجة إنها بتجيب أحلى الأفلام وقت الفاينالز والامتحانات.. فبيبقى عندك صراع تتفرج على أفلام ولا تروح تذاكر، غالبًا بسبب الضمير الميت بنروح نتفرج على أفلام.

- الشوبينج
عايز أنزل أجيب بنطلون، شوفت كوتش تحفة إمبارح وبسعر روعة، المحل ده منزل عروض تحفة، كل الحاجات بيبقى ردها حاجة واحدة بس بعد الامتحانات إن شاء الله.

- السوشيال ميديا
في ناس بتمنع على نفسها السوشيال ميديا والإنترنت، منهم اللي بيرجع يمسك موبايل قديم مفهوش نت، ناس تانية تمسح كل الأبلكيشنز اللي عندها على الموبايل.

- السينما
فترة الامتحانات دي بيكون ممنوع نتابع حفلات السينما وعروض الأفلام علشان مانضعفش، الخروجات كلها بتتأجل لبعد الامتحانات وغالبًا مبتحصلش برضو علشان كسلنا.

- الإنترنت والكمبيوتر
اشتراك النت مابيدفعش ووصلة الكمبيوتر بتتشال علشان النت والكمبيوتر ممنوعين في الامتحانات

- لو مصاحب هتفكرش
غالبًا الناس اللي بتكون مصاحبة بتفكرش في فترة الامتحانات بسبب المود ده، وبسبب خناقات "إنت مشغول عني"


 

Comments: