١٠ فيديوهات تخطت المليون Dislike على "يوتيوب"

19/01/2019

الفيديوهات على اليوتيوب بتنتشر بسبب عدد الشير اللي بيعبر عن تداولها بين الناس، وإلى جانب إعادة نشر الفيديوهات دي، بيعتبر عدد الـ Likes مؤشر مهم على مدى اهتمام الجمهور بالفيديو أو المادة دي، وبنفس المنطق عدد الـ Dislikes أحيانا ممكن يكون سبب شهرة فيديو من الفيديوهات، خصوصا لو كان معدي الملايين.

الفيديوهات دي، عدت المليون Dislike

- قناة youtube spotlight نشرت فيديو بيجمع كل الأحداث اللي كانت في سنة 2018، الفيديو بعنوان YouTube Rewind 2018 عدد مشاهدات الفيديو 144 مليون مشاهدة، وحصل على 13 مليون Dislike، وهو فيديو مكروه جدا والناس علقوا على سبب عدم الإعجاب الكبير اللي كان على الفيديو إنه اتجاهل أحداث مهمة كتيرة.


- فيديوهات اليوتيوبرز عادة بتنتشر بسبب إعجاب الناس بيها لكن بيبقى غريب لما فيديو يجيب حوالي 2.5 مليون Dislike، ده لأن المقطع نفسه كان غريب، اليوتيوبر البرازيلي ظهر في الفيديو Aruan Felix وهو بيكسر درع لليوتيوب.

- ومن ضمن الفيديوهات اللي كان ليها نصيب كبير من عدم الإعجاب على اليوتيوب، أغنية Friday للمغنية الأمريكية "ريبيكا بلاك"، الأغنية قدرت إنها تحصل على  900 ألف إعجاب، لكن في المقابل كان عدد الناس اللي داست Dislike حوالي 3.3 مليون شخص.

- أغنية تانية على اليوتيوب جابت عدد كبير جدًا من الـ Dislikes اسمها baby لـ"جاستن بيبر"، الفيديو ده مصنف إنه من أسوأ الفيديوهات اللي موجودة على اليوتيوب لأنه جاب 10 مليون Dislike ونفس الرقم الـ likes


- أغنية It's Everyday Bro  واللي غناها jake paul من الأغاني اللي عملت رقمت قياسي في الـ Dislike  على اليوتيوب، الأغنية جابت 4 مليون Dislike و 2.6 مليون like من عدد مشاهدة وصل لـ 224 مليون.

- ديسباسيتو من أشهر الأغاني الإسبانية اللي انتشرت في العالم كله وكانت بتشتغل في كل مكان حواليا، ده غير إنها عملت ضجة بسبب الفيديو كليب بتاعها، الفيديو اتشاف 5 مليار مرة ومع الارتفاع الكبير في عدد الـ Likes، إلا إن الفيديو كليب حصل على 3.7 مليون Dislike

- من فيديوهات اليوتيوب اللي انتشرت، أغنية اسمها How it is Wap bap، وغنتها Bianca Heinicke، الأغنية جابت  2.9 مليون Dislike من 55 مليون مشاهدة على الفيديو

- إعلان الفيلم الأمريكي GHOSTBUSTERS المصنف على أنه فيلم خيال علمي، وإنتاج سنة 2016، الإعلان نفسه قبل الفيلم جاب 45 مليون مشاهدة على اليوتيوب، لكن رغم عدد المشاهدة الكبير ده، الفيديو خد 1.1 مليون Dislike

-  مسلسل Masha and The Bear الكرتوني ليه جمهور معين بيتابعه بطبيعة إنه كرتون، لكن حلقة من حلقات المسلسل واللي كانت بعنوان Masha and The Bear - Recipe for disaster الحلقة دي اتشافت 3 مليار مرة، منهم 2.2 مليون شخص داسوا Dislike

- الرقصة المشهور جدًا عن أغنية كمان مشهورة اسمها gangnam style  جابت 2.1 مليون Dislike من 3 مليار مشاهدة.

Comments: