١٠هدايا ممكن تجيبها لصاحبتك في راس السنة

26/12/2018


كلنا بنستنا رأس السنة كل سنة علشان الهدية اللي بتجيلنا أو بنجيبها للناس اللي بنحبهم، لو محتار ومش عارف تجيب لصاحبتك إيه في راس السنة، دي أفكار لهدايا حلوة هتفرحها:

- حجز يوم  كامل مدفوع في "سبا" وساونا، أي بنت بتبقى محتاجة سبا علشان تستريح من أي ضغط أو أرهاق 

- فاجئها ببرفان بتحبه 

- دبدوب بابا نويل، بمناسبة إننا في رأس السنة ممكن  تجبلها "سانتا كلوز" بينور

- شنطة ماكياج صغيرة

- مجموعة العناية بالجسم والبشرة، لو معرفتش تحجزلها يوم سبا هيكون جميل لو جبتلها مجموعة العناية بالجسم والشعر

- علبة كاملة من ألوان طلاء الأظافر، المانيكير لازم تجيب منه مجموعة ألوان علشان البنات بتحب الألوان

- هاتلها مجموعة من درجات ألوان الروج المختلفة اللي بتحبها

- بوكية ورد لنوع ورد هي بتحبه، أغلب البنات بتحب الورد جدا، خصوصا لو معاه شوكولاتة

- ممكن تطبع صورة بتجمعكم أنتوا الاتنين على Cover موبايل أو مج 

- نباتات مميزة أو أزهار تزرعها في البيت عشان تفتكرك بيها دايما

Comments: