أغرب 7 أسواق في العالم: سوق السحرة وبيع البنات

02/01/2019


سوق السحرة في بوليفيا
سوق للعرافين والسحرة في بوليفيا في أمريكا الجنوبية، بيتباع  كل أنواع الطلاسم وريش البوم والثعابين وسمومها ومتطلبات السحر في السوق ده.

 محل للحيوانات المحنطة
المحل ده موجود من سنة 1831 وأسسه عالم الحشرات "إميل داي رول"، في باريس وموجود فيه كميات كبيرة جدًا من الحيوانات المحنطة بمختلف الأشكال والأحجام، يعتبر المكان ده من أكتر الأماكن المرعبة في أوروبا كلها.

 سوق لبيع رؤوس وأقدام الحيوانات
سوق لبيع أجزاء مختلفة من الحيوانات، أجزاء متتخيلش إنها ممكن تتباع أصلًا، السوق ده اسمه توجو وموجود في مدينة "لومي" اللي بتطل على خليج غينيا، المكان ده مخصص لبيع أقدام الفيلة ورؤوس الفهود، وقلب الخيول، وأجزاء مختلفة ومنفصلة في جسم الحيوانات، وعادة الحاجات دي مبيكونش استخدامها للأكل، بس فيه ناس بتستخدمها في الأكل.

سوق الغجر
سوق بيع البنات في بلغاريا، السوق اللي بيأكد على إن زمن بيع العبيد لسه مانتهاش، هتلاقي في السوق ده البنات بتلبس أحسن هدوم عندها وأشيك ذهب ومجوهرات، ويطوف والد البنت بيها في السوق علشان يلاقي ليها زواج مناسب يقدر يتحمل مصاريف الزواج.

سوق القمل
انتشر معتقد عند بعض الناس في الكويت إن القمل بينجي الناس من الإصابة بجلطات في الدماغ، وعلشان كدة أقبل عدد كبير من الستات على شراء القمل من سوق القمل، ووصل سعر 6 قملات لخمس دنانير، لكن بعد رفض الحكومة للممارسات دي قلت الظاهرة تدريجيًا.

سوق للطيور فقط
سوق لجميع أنواع الطيور، هو مخصص لبيع الطيور وبس من غير أي حاجة تانية، السوق ده موجود في أفغانستان.
السوق ده موجود في أفغانستان لأنها تعتبر من الهوايات المفضلة للناس هناك جدًا، وتعتبر من الهوايات الشعبية المتأصلة في البلاد.

سوق للهدايا التذكارية
أي حد بيسافر بيكون محتاج يشتري هدية تذكارية عن المكان اللي بيزوره ويفكره بيه، في روسيا سوق مخصص لبيع الهدايا التذكارية وبس، وأشهر الهدايا اللي موجودة في المكان ده دمية ماتريوشكا.

Comments: