فيلم لـ"نتفلكس" يشعل تحدي على السوشيال ميديا: تعرف تعيش من غير عينيك؟

03/01/2019

انتشر على السوشيال ميديا تحدي خطير جدًا، التحدي كان بيحاكي موضوع فيلم Bird Box اللي ظهر في واحد من مشاهده أبطال الفيلم وهما بيحاولوا يهربوا وهما حاطين غمامة على عينيهم.

التحدي كان عبارة عن إنك تربط عينيك بقماشة وتبدأ تمارس حياتك بشكل طبيعي، الخطورة مكنش بس في كدة لأن الناس مكتفتش إن يكون التحدي في البيت، دول كمان خرجوا في الشارع بنفس الشكل.

وكان سبب المشهد اللي انتشر كتحدي بين الناس هو إن بطلة الفيلم كانت بتواجه وحوش وبتحاول تنقذ أطفالها من الموت واللي هيحصل بمجرد النظر للوحوش دي، فحيلة تغمية العين كانت بهدف الحماية.

"نتفلكس" بعد ما عرفت إن الناس خدت مشهد من أفلامها وعملته تحدي، حذرت الناس خصوصًا إن التحدي فيه خطورة على حياتهم.

ويعتبر فيلم Bird Box هو أجدد أفلام نتفلكس وصدر في نهاية 2018، وهو من بطولة ساندرا بولوك، الفيلم حقق نجاح كبير جدًا ووصل عدد مشاهدته لأكثر من 45 مليون مشاهدة بعد 7 أيام بس من عرضه.

Comments: