٤ أفلام دراما مصرية ممكن تشوفها في الويك إند

03/01/2019

يومين ويك إند والجو برد والقعدة على الكنبة أو تحت البطانية مع الفرجة على الفيلم هي السهرة المناسبة يوم الأجازة، بنرشحلك 4 أفلام عربية (دراما اجتماعية) من السبعينات والتمانينات ممكن تتفرج عليهم في أجازتك:

1- الحريف (1984)

بطولة عادل إمام وفردوس عبدالحميد، وتأليف بشير الدين ومحمد خان وإخراج محمد خان، بتدور أحداث الفيلم عن "فارس" حريف كرة القدم اللي بيشتغل عامل في مصنع أحذية رغم موهبته الفذة، ومع ذلك بيعيش حياة بائسة وبيعاني من عدم التحقق رغم كونه أفضل عامل في المصنع، ورغم موهبته الكبيرة  

2- إمبراطورية ميم (1972)

بطولة فاتن حمامة وأحمد مظهر، تأليف نجيب محفوظ عن قصة لإحسان عبدالقدوس، وإخراج حسين كمال، بيحكي الفيلم قصة "منى" الأرملة اللي شغالة موظفة في وزارة التربية والتعليم وبتربي ولادها الـ 6، بتتعرف على رجل الأعمال أحمد رأفت، بيقعوا في حب بعض وبتلاقي نفسها محتارة بين كفة ولادها ومسؤوليتها تجاههم، وبين حبها لأحمد رأفت

3- يا عزيزي كلنا لصوص (1989)

بطولة محمود عبد العزيز وصلاح قابيل وليلى علوي، من تأليف إحسان عبد القدوس ومصطفى محرم، وإخراج أحمد يحيى، وبيحكي قصة مرتضى اللي بيتم الحجز على قصر والده "السلاموني" (وزير سابق) عشان تتخلى مراته عنه ويرجع يعيش في بيت أهله الريفي، مرتضى بيدور على شغل عند "عبدالله بهنس"، لكنه بيواجه بالطرد فبيقرر الانتقام من "بهنس" بمساعدة 3 لصوص هيسرقوا أوراق عبدالله المهمة، عشان يبتزوه.

4- البيه البواب (1987)

بطولة أحمد زكي، صفية العمري و فؤاد المهندس، تأليف يوسف جوهر، وإخراج حسن إبراهيم، بتدور أحداث الفيلم عن عبد السميع (أحمد زكي) البواب اللي بيوصل القاهرة مع مراته وولاده وبيشتغل بواب عمارة وبيسخدم ذكائه في العمل كسمسار، بيحقق مكاسب كبيرة وبيقابل الفتاة اللعوب إلهام (صفية العمري) اللي بتحاول تاخد كل فلوسه 

Comments: