أغاني ولقطات علقت في ذاكرتنا من بطولة الأمم الافريقية 2006

08/01/2019

الاتحاد الإفريقي لكرة القدم (الكاف) أعلن اختيار مصر لتنظيم نهائيات الأمم الأفريقية 2019 بعد ما تم سحب التنظيم من الكاميرون عشان عدم صلاحيتها لتنظيم النهائيات، وفي التصويت حصلت مصر على 16 صوت مقابل صوت واحد لجنوب أفريقيا، وأعلن هاني أبو ريدة رئيس الاتحاد المصري لكرة القدم إن فيه 8 ملاعب مجهزة لاستضافة ماتشات البطولة، ده غير ملاعب التدريبات.

آخر مرة مصر استضافت كأس الأمم الأفريقية كان في 2006، يعني من 13 سنة تقريبا، جمعنا أهم اللقطات اللي كانت في البطولة دي وبنفكركوا بيها:

1- خناقة ميدو وحسن شحاتة (ليييه؟؟ ليييه؟؟):
لما قرر حسن شحاتة في الماتش القبل النهائي ضد السنغال ينزل عمرو زكي بدل أحمد حسام ميدو واعترض ميدو على تغييره وقال لييه؟؟ لييه؟؟ وحصل بينهم اشتباك لكن حسام حسن اتدخل وقدر يفض الاشتباك

2- جملة حسن شحاتة بعد جون عمرو زكي (أنا صح):

بعد تبديل أحمد حسام ميدو بعمرو زكي في الماتش القبل النهائي ضد السنغال أحرز عمرو زكي هدف الفوز والصعود للنهائي ضد كوت ديفوار.

3-  آخر بطولة للراحل محمد عبد الوهاب مع المنتخب:

محمد عبد الوهاب هو لاعب النادي الأهلي وفاز مع النادي الأهلي ببطولة الدوري سنة 2005 - 2006، 2006 -2007، حقق نجاحات كتير مع المنتخب المصري زي الفوز في بطولة الأمم الأفريقية للشباب في 2003، و2006 مع المنتخب الكبير، وشارك لآخر لحظة في بطولة 2006 حتى أنه أحرز واحدة من ركلات الترجيح الأخيرة أمام منتخب كوت ديفوار في النهائي.

4- أخر مشاركة لحسام حسن مع المنتخب:

أخر هدف لحسام حسن كان في بطولة الأمم الإفريقية في ماتش ضد الكونغو، وكان تخطى الـ39 سنة فكان أكبر لاعب يسجل أهداف في تاريخ البطولة الأفريقية، وهو اللاعب الوحيد اللي شارك في بطولتين لأمم أفريقيا الفرق بينهم 20 سنة.

5- تألق عصام الحضري في ضربات جزاء بماتش النهائي:

تصدى -السد العالي- عصام الحضري في ركلات الترجيح لركلتين منهم كرة نجم منتخب كوت ديفوار ونادي تشيلسي الانجليزي "دروجبا"

الأغاني اللي ارتبطت معانا بالبطولة:

1- أغنية الافتتاح لسميرة سعيد (كلنا إنسان):

2- هشام عباس (بطولتنا):

3- يلا نشجع بلدنا:

4- حمادة هلال (والله وعملوها الرجالة):

5- نانسي عجرم (لو سألتك إنت مصري ):


 

Comments: