١٠ أماكن artistic هتساعدك تجدد طاقتك

10/01/2019

دايمًا لما بنخرج بنحب نجرب أماكن جديدة ومختلفة، وفيه ناس مزاجها بيجي على الأماكن اللي فيها لمسة فنية مميزة علشان تجدد طاقتها.
للناس اللي بتحب أماكن أجوائها   Artisticوبتختار خروجاتها في أماكن مبهجة، جمعنالك ليستة بّتقدر روح الفنان اللي جواك.

- Tabla lounge
الكلمة المناسبة لوصف المكان ده هي ألوان في كل مكان، قبل ما تدخل هتلاقي شجر كتير متلون وفي المكان نفسه ديكورات بألوان مختلفة ومبهجة، المكان ليه فرعين واحد في المعادي شارع  257 فيلا 7 قدام فندق تيوليب ، والفرع التاني موجود في 14 شارع أنور المفتي في مدينة نصر.

- مولانا
للناس اللي بتحب الأماكن الصوفية والفن الصوفي بشكل عام، المكان ده هيكون مناسب ليهم جدًا لأن ديكوراته كلها وجو المكان روحاني جدًا.
الكافية  موجود في 19 شارع 26 يوليو في وسط البلد.

- الحارة كافية
 لو أنت من الناس اللي بتحب الفلكور النوبي يبقى المكان ده هيكون مناسب ليك جدًا، لأن ديكوراته كلها عبارة عن لوحاتات نوبية والألوان هتحسسك إنك سافرت أسوان.
المكان موجود في إسكندرية، بالظبط في 3 شارع الزرقاني خلف الأكاديمية البحرية ميامي.

- Room art space
المكان ده بجانب إنه مسرح للعروض الفنية والموسيقية وبيعرض أفلام ويعتبر ستاند اب هو كمان كافية ومطعم، يعني ينفع تقعد فيه مع صحابك وتستمع بالعروض الفنية اللي هتكون موجودة
المكان موجود في 10 شارع اتحاد المحاميين العرب

- جاليري “ق”
من الأماكن المعروفة بأنها بتبيع منتجات فنية من تون بوك و تيشرتات مطبوع عليها وشنط كمان، بس نشاط المكان مش متوقف على كدة، يعني تقدر تقعد في الساحة الفنية دي
 الجاليري موجود بـ 5 شارع البستان في قصر النيل

- صوفي
من اسمه باين إنه للناس اللي بتحب الأماكن الصوفية، المكان يعتبر working space  للناس اللي بتحب تشتغل في جو هادي، وكمان ينفع تقعد مع صحابك فيه، المكان في الزمالك بالظبط في 12 شارع السيد البكري.

- الربع
مركز ثقافي شبابي موجود في شارع المعز، المركز بيعمل ورش ثقافية وفينة ده غير العروض اللي بيقدمها، وغير كل ده هو مكان ينفع تقضي فيه يوم مع صحابك وسط جو شارع المعز الأثري.
المركز ده موجود في الجمالية بشارع المعز

- Vibes
لو خروجة للبنات بس يبقى ده المكان الأنسب ليكِ، المكان للبنات علشان تروح تجدد طاقتها وهو مش كافية، يعني ينفع تعملي فوتوسيشن هناك أنت وصحابك أو لوحدك تقعدي وتشربي حاجة وسط جو الألوان المبهج وغير كدة المكان بيقدم كورسات منها اليوجا.
عنوان المكان ده الحي العاشر فيلا 11 في الشيخ زايد

- جليلة كافية
من الاسم كدة واضح إنه مكان فلكلور شعبي، مش بس مكان للناس اللي بتحب الجو الشعبي لأ كمان للناس اللي بتحب الألوان المبهجة فيعتبر خروجة لتجديد الطاقة وبتساعدك تفصل شوية.
عنوان المكان ميراج ميني مول في الداون تاون الكيلو 6 طريق القاهرة الاسكندرية الصحراوي.

- ميزاج
للناس اللي مزاجها مبيتعدلش غير بالألوان المبهجة يبقى كافية ميزاج هو من الأماكن اللي نقدر نشرحهالك والموجودة في المعادي، على كورنيش النيل، في مدخل المعادي رقم 2 على مرسى نادي الشاطئ، على الضفة التانية من النيل.

Comments: