أول حاجة هتشوفها في الصورة دي بتكشف عن شخصيتك

04/02/2019

أول حاجة هتشوفها في الصورة دي هتقولك صفات عن نفسك ونظرتك للحياة، الاختبار من موقع The minds journal برغم أنه قايم على تفسيرات علم نفس ولكن مش شرط تاخده على محمل الجد أوي، برغم ده ممكن النتيجة تكون مثيرة للاهتمام، فما تيجوا نشوف؟!  

لو كان الشكل اللي شوفته بنت
لو أول حاجة تشوفها في الصورة دي كانت البنت ودة بيدل على إنك شخص ساحر، وغامض، وخلاق.
كتير من الناس بتحس بالفضول ناحيتك لأنك شخص غامض وعندك سحر خاص وبتاخد انتباه كل اللي حواليك لأنك شخص حقيقي مش بتمثل، مميزاتك هو سحر الغموض اللي فيك فما تحاولش تنفتح مرة واحدة على الناس ودة غالبًا بيحصلك لما تحب.

لو كان الشكل اللي شوفته جمجمة
الجمجمة بتدل على إنك شخص مرن بتتقبل آراء وأفكار الناس كلها، كمان إنت شخص ناعم وعندك مهارات فهم كبيرة.
يعني انت شخص متسامح لدرجة كبيرة، كمان المرونة اللي في شخصيتك بتخليك تقدر تحكم على الأمور بشكل عادل ومرن وبتعرف تتأقلم مع الظروف بشكل سريع، ده غير إنك ذكي وبتقدر تاخد القرار الصح في حياتك.

لو كان الشكل اللي شوفته هو مشهد الطبيعة الخارجي

لو شوفته كهف وأول حاجة لاحظتها هي المنظر الخارجي فإنت عاطفي وبتراعي مشاعر الناس جدًا، وعندك حس فكاهة عالي، ومن مميزات شخصيتك هو إن دمك خفيف وعندك روح دعابة عالية وتعتبر من الأشخاص اللي بتصنع جو بهجة ومزاج عالي في أي مكان بتروحه، وكمان انت شخص مسؤول ومحل ثقة من الأخريين.

Comments: