كل اللي محتاج تعرفه عن معرض  Furnex & The Home لتجهيز بيتك أو مكتبك

05/02/2019

فرش بيتك أو مكتبك مهمة متعبة لإنها بتحتاج مشاوير ولف كتير وده اللي بيسبب حيرة أكتر إنك تاخد القرار، بس اختصارا للوقت والمجهود والتردد معرض Furnex & The Home جمع كل مستلزمات التجهيز في مكان واحد.

معرض Furnex & The Home هو معرض لجميع احتياجات البيت من الأثاث للمفروشات للتشطيب وباقي الملحقات من ديكور والإضاءة اللي ممكن تحتاجها وإنت بتفرش بيتك أو شركتك.

المعرض بيستضيف كبار الشركات المصنعة والمصدرة والتجار في مصر اللي بيخدموا السوق المحلية والعالمية في مجال الأثاث، ده غير إن المعرض هو أكبر معرض تجاري في أفريقيا من حيث الحجم وعدد الزوار والعارضين، وفيه أحدث التصميمات والأفكار، وبيتميز المعرض بتقديم خصومات مميزة من أغلب العارضين على منتجاتهم بشكل حصري للمعرض:

الدورة التانية للمعرض هتبدأ من يوم 21  فبراير لحد يوم 24 فبراير في مركز مصر للمعارض الدولية بالتجمع الخامس.

المعرض بيضم حوالي 200 عارض من محافظات مختلفة اللي بيعرضوا منتجاتهم محلية الصنع سواء من الأثاث أو السيراميك أو الإضاءة، المنتجات في المعرض مختلفة عشان تناسب كل الأذواق، والأسعار متفاوتة، بالإضافة للخصومات الكبيرة، الأثاث المعروض بيغطي كل الإحتياجات للمشتري سواء كان للبيت أو المكاتب أو الأثاث الفندقي.

Furnex & The Home بيهدف لإثبات إن صناعة الأثاث في مصر تقدر تنافس بقوة في الأسواق العالمية، بسبب جودة الخامات اللي بيستخدموها المصنعين والدقة في صناعة الأثاث، ده غير إن الأسعار بتعتبر مناسبة جدا لو قارناها بالخامات المستخدمة ولو قارناها برضه بالأثاث المستورد، بجانب إن المعرض بيفتح أسواق جديدة للأسواق بره مصر وينهض بالصناعة المصرية في المجال ده، عن طريق حضور الجنسيات المختلفة للمعرض بصفة مستمرة كل دورة.

Comments: