١٠ جمل بتجيب نكد بين الرجالة والستات

06/02/2019

الستات والرجالة هيفضل فيه بينهم صراع ابدي محدش فاهم أسبابه، بس ممكن تبقى الاختلافات دي راجعة للأبعاد النفسية مثلا أو عشان القط بيحب خناقة، بس من أكبر المشاكل الغير مفهومه بين الجنسين إن فيه جمل بيقولها الراجل والست بتفهمها بمعاني تانية ملهاش أي علاقة باللي اتقال والعكس برضه، جمل زي:

1- "أنا هنام" بتفهمها عايز تقفل عشان تكلم بنات وتخوني أو عايز تلعب Pubg أو بيهرب من سؤالي

2- "عادي/ مفيش" بيفهمها ده أنت ليلتك سودة وهنكد عليك

3- "هنزل اقعد مع صحابي على القهوة" بتفهمها أنا شخص ممل وأنت زهقان مني.

4-  "ماما عيانة تعالي شوفيها" بتفهمها عايز قلة أدب، عايزني أروحله البيت السافل

5- "نازلة مع صحابي البنات" بيفهمها رايحة Night club ومعاها صحابها الرجالة أو بتشتغل رقاصة

6- برتاح معاكي في الكلام، عنيكي فيها حزن بتفهمها بيشقطني شقط قديم معدوم الكريتفتي

7- "دي البيست فريند بتاعتي/ دي الكومفورت زون/ دي الباك بون/ دي طبقة الأوزون" بتفهمها متجوزين عرفي ومعاهم نرجس وعلاء

8- "الجو ساقعة" بيفهمها عنيها في الجاكيت

9- "جايلي عريس" بيفهمها  تعالى اتقدملي عشان عايزة اتجوز

10- "واحد صاحبي عنده مشكلة" بتفهمها نازل يتفرج على الماتش

Comments: