عبثيات: اعرف أخر تطورات فضيحة حي الزمردة

13/02/2019

الفضول بالمفهوم السهل هو إن كل الناس بتتدخل في حياة كل الناس بطريقة تضايق كل الناس، لكن فعليا الفضول هو تدخل الشخص في حاجة مش بتاعته ومش بس كده ده كمان الفضول هو الدافع الأساسي اللي بيخلي الشخص يجرب حاجات غريبة أو جديدة عليه، الفضول في العموم هي صفة إنسانية مزعجة بس للاسف موجودة في كل البشرية، بس بنسب.

الفضول نوعين نوع إيجابي ونوع سلبي، الفضول الإيجابي هو الفضول في العلم والمعرفة والثقافة، ويمكن هو الدافع اللي خلى علماء كتير يكتشفوا ويخترعوا وهكذا، لكن الفضول السلبي هو المعروف بأسم التطفل وهو إنك تتدخل في حياة الناس الشخصية أو في اللي ملكش فيه بمعنى أصح، ويبقى عندك شغف تدخل في خصوصية الأشخاص.

طيب سألت نفسك قبل كدة ليه في ناس بتحب الفضول السلبي وتدخل في حياة الناس لامؤاخذة الداخلية، طيب سألت نفسك ليه لحد دلوقتي مفيش كلام في الموضوع ده عن "فضيحة حي الزمردة" اللي اتذكر في العنوان؟!

عشان مفيش فضيحة في حي الزمردة ومفيش حي اسمه الزمردة هنا أصلاً وعشان أنت فضولي يا فضولي.. إخص عليك.. سيب الناس في حالها.

Comments: