ليستة لمشاهدة 10 من أفضل أفلام الأنيميشن القصيرة

14/02/2019

مش هتاخد وقت طويل وأنت بتتفرج على الأفلام دي لأن مدتها ما بين 5 لـ  15 دقيقة بالظبط، ولكن برغم كدة تعتبر أفلام قصيرة مثيرة ودة لأن أغلبها أفلام حصلت على إشادة نقدية كبيرة وبعضهم أخد جايزة الأوسكار أو على الأقل اترشح لها.

Piper 2016


الفيلم ده فاز بجايزة الأوسكار في دورتها الـ 89 وده اللى رجع استديوهات pixel إنها ترجع تفوز بالأوسكار تاني بعد آخر مرة عن فيلم Birds في 2002.
قصته بتتكلم عن مواجهة الخوف لكن في أقل من 5 دقايق قدر يوصل الفكرة مع المتعة البسيطة اللي فيه.


Bear story 2014
قصة الفيلم مستوحاة من قصة حقيقية بترجع لجد المخرج اللى قضى سنتين من عمره في السجن بعد الانقلاب التشيلي اللي حصل 1974 وبعد خروجه من السجن تم نفيه طول فترة الحكم الديكتاتوري.
فاز الفيلم بجايزة الأوسكار في دورتها الـ 88، ويعتبر أول فيلم يفوز بالأوسكار في أمريكا اللاتينية.

Feast 2014
فيلم بتقنية الأبعاد الثلاثية وهو من إنتاج شركة "والت ديزني" واتعرض أول مرة في 10 يونيو 2014، قصته ممتعة جدًا بيجمع بين الناس النباتية واللي بتاكل لحوم وفراخ.



Mr Hublot 2013
فيلم قصير فاز بجايزة الأوسكار 2014، والقصة بتدور حول راجل بيعاني من الوسواس القهري وبيخاف بيتعامل مع العالم الخارجي بلغت ميزانية الفيلم حوالي 295 ألف دولار أمريكي.

Paperman 2012
فيلم كوميدي رومانسي قصير، بألوان أبيض وأسود وهو من إنتاج شركة والت ديزني، واللي تم إنتاجها 2012
ومن الأفلام اللى خدت جايزة أوسكار في دورتها الـ 85 وكمان خد جايزة "آني"  في حفلها الأربعين.

The Lost Thing 2010
الفيلم عن شاب بيلاقي مخلوق غريب وبيحاول يدور له على بيت وفي خلال الرحلة دي بيكتشف حاجات مهمة، الفيلم ده من الأفلام اللى فازت بجايزة الأوسكار.


Logorama 2009
فيلم قصير مدته 16 دقيقة، وهو من أفلام الرسوم المتحركة الفرنسية.
فاز الفيلم بأكتر من جايزة منهم جايزة في مهرجان كان 2009 وجايزة الأوسكار في حفلته الـ 82

Peter and the Wolf  2007
فيلم رسوم متحركة بمشاركة بريطاني ونرويجي ومكسيكي وتم انتاجه في سنة 2007.

Ryan 2004
فيلم انيميشن وثائقي تم انتاجه سنة 2004 وهو فيلم عن رسام الرسوم المتحركة "ريان لاركين" بيعرض تفاصيل مهمة من حياته في فيلم مدته أقل من 15 دقيقة.



Harvie Krumpet 2003 
من أفلام الرسوم المتحركة القصيرة الكوميدي في سنة 2003 وبيحكي قصة حياة رجل بولندي بيعاني من سوء الحظ في حياته.

Comments: