اعرف أغرب عادات الاحتفال بأعياد الميلاد في دول مختلفة

21/02/2019

طريقة الاحتفال بأعياد الميلاد مش مجرد تورتة وشمعة وخلاص، في بلاد كتير بتحتفل بأعياد الميلاد بطرق ممكن تكون غريبة عليك، فالموضوع ده هنشوف أغرب 10 عادات الاحتفال بأعياد الميلاد.

- في منطقة البحر الكاريبي
سكان منطقة البحر الكاريبي ليهم عادات خاصة بيه في الاحتفال بعيد الميلاد منها إنهم يغطوا الشخص صاحب عيد الميلاد بالدقيق، والأسوأ من كده هو إنهم يغطوا الشخص ده بالماية وبعدين يرشوا الدقيق عليه.

- كندا
أما عن كندا بيكون الاحتفال بعيد ميلاد أي شخص هو عبارة عن دهن أنفه بالزبدة، ودة معتقد أنه مادة مرنة جدًا تعدي أي شئ سلبي ممكن يحصل في العام الجديد للشخص.

- فنزويلا
دفع تورتة عيد الميلاد إلى رأس الشخص صاحب العيد ميلاد  دي عادة حقيقية موجودة في فنزويلا.

سويسرا
كمان سويسرا فيها نفس العادة موجودة في فنزويلا في دفع التورتة في وجه ولكن بيتم تأجير مهرج شرير عشان بيعمل كده خصوصًا في أعياد ميلاد الأطفال الصغار في سويسرا.

إنجلترا وأيرلندا
البلدين دول فيهم نفس العادة الغريبة تقريبًا اللي بيحتفلوا بها في عيد الميلاد وهي إنهم يمسكوا الشخص  صاحب عيد ميلاد من إيده ورجله ويحدفوه في الهواء ويسيبوه يترمي على الأرض وبتوصل عدد مرات الرمي لسنوات عمره! متخيل واحد عنده 60 سنة ممكن يحصله إيه؟!

بولندا
الشخص اللى بيتم 18 سنة بيكون ليه احتفال مختلف تمامًا عن كل الاحتفالات، لأنه بمجرد ما يتم السن ده في حفلة عيد ميلاده بيضرب 18 مرة على مؤخرته بحزام قدام كل ضيوف عيد ميلاده!!

الدنمارك
مع كتير من العادات اللى بيكون فيها طابع الرعب أو العنف كمان الدنمارك اختارت طريقة فيها نفس الطابع، وهو إنهم بيعملوا تورتة عيد الميلاد على كل بنت أو ولد وبعد طفي الشموع بيتم تقطيع رأسه بشكل عنيف وده بيسبب حالة من الصراخ والضحك وبيكون هو ده هدفهم! مربيبن قوي!

أوكرانيا
طريقة الاحتفال بأعياد الميلاد في أوكرانيا هو إنهم يقطعوا التورتة على شكل بيتزا وكل قطعة من قطع البيتزا تحتها ورقة بذكرى سيئة حصلت في السنة بعدها بيتم حرق كل قطع من قطع البيتزا دي، مع وجود تورتة ثانية على شكل بيتزا برضه لكن المرة دي مكتوب في ورق تحت كل شريحة ذكرى حلوة حصلت في نفس السنة.

 

البرازيل
سحبك من الودن هي عادة الاحتفال بعيد الميلاد في البرازيل ومعاهم المجر والأرجنتين، بيتم سحب الشخص من أذنه بعدد سنوات عمره!

أمريكا
أما عن طريقة الاحتفال بعيد الميلاد في أمريكا، بيكون هو إن أب وأم الطفل أو أصدقائه لو كان شخص بالغ يحضروا تورتة زيادة لأن فيه واحدة منهم بتتحدف على وش صاحب العيد ميلاد!

Comments: