أنواع الناس في الجيم!

24/02/2019

الجيم مفروض إنه مكان بتروحه عشان تلعب رياضة وتقضي وقت بتحرق سعرات أو على الأقل عايز تعمل فورمة معينة.
بس بعيدًا عن الرياضة فيه أنواع ناس كتير بتقابلها لما تروح الجيم وهما كالآتي..


- البطل الخارق
ده شخص عنده طاقة أوفر والناس نصحته يروح الجيم عشان يطلع الطاقة اللى عنده، فهتلاقي قدامك شخص حماسي جدًا، وعايز يجرب كل الأجهزة في أول يوم ليه في الجيم.

- اللي جاي يشقط
وده بيظهر في الجيم الميكس.. وفي كل مكان في بلادي صوت الشقط بينادي.. هتلاقيه رايح الجيم أشيك ما بيروح شغله

- اللي جاية تدور على عريس
بنفس مبدأ الشقط هتلاقي بنات رايحة الجيم ده عشان تدور على عريس فورمة ورياضي!

- المبتدئ
دايمًا المبتدئ ده بيبقى الإفية بتاع المكان لأنه مبيكونش فاهم حاجة خالص.. جاموسة تايه في بحر العضلات! والمبتدئ الفضولي هو اللى مش بيبطل أسئلة ده لو معندوش سؤال محدد بيكرر السؤال.

- الروش
ده غالبًا بيروح يشتري أغلى لبس رياضي في الكوكب.. ويروح يجري على الـ treadmill  ويروح

- الكسول
أنت مش فاهم هو جاي يعمل إيه بالظبط، بس هو شخص كسول ومش قادر يشيل أي وزن  وبيلعب بالظبط 5 دقايق الأجهزة ومش بيحضر أي كلاس، وده غالبًا اللى بيدفع اشتراك الجيم ومش بيروح ولا كلاس منهم!

- الرغاي
دي شخصية جاي يتمرن بس على عضلة الضحكة، هتلاقيه مش مبطل لا كلام ولا ضحك، ودة طبعًا مش مستفيد أي حاجة من اشتراك الجيم لإن الضحك بيسيب العضلات فسيبه هو هيعرف غلطته قدام!

الموجود بروحه
ده معظم الشعب المصري.. بيروح يدفع الاشتراك.. وبيقعد في البيت لحد ما الاشتراك يخلص.. فا يتحمس ويقرر إن كده كفاية
ويروح يجدد الاشتراك تاني.. وبرضه مش بيروح.

Comments: