هدايا متجبهاش لصاحبتك!

25/02/2019

كتب - رحاب سعدي 
 
جمعمنا شوية هدايا مينفعش تجبها لصاحبتك وده لمصلحتك أنت والله، عشان تضمن إن العلاقة دي تكمل ومتبوظش بسبب هدية! وعامة الموضوع نسبي.. لكن حاول تتجنب القايمة دي:

- الدباديب

جو الدباديب ده خلاص خلص، مفيش حد بيجيب دباديب للبنات دلوقتي كبرنا بقى خلاص!

- كريمات تقاعيد
أكيد هي بتشتري كريمات بفلوس كتير علشان تخبي بيها عيوب بشرتها أنت ماينفعش تجبلها في  الآخر كريمات تجاعيد، متزعلش بقى من رد فعلها

- مزيلات العرق
واخد بالك إنك كده بتقولها ريحتك مش لطيفة!

 - مج
مج عليهم صورتك وصورته.. يع.. أحسنلك بلاش!

- كتب عن العلاقات أو إزاي تتعامل مع الرجال
عامة مهما البنات قرأت كتب مش هتعرف تفهم عقلية الرجالة فمتحاولش، وبالهدية دي هتفتكر أصلًا إنك بتقولها إنتي محتاجة تتعلمي إزاي تتعاملي معايا

- حلل.. أطباق.. كبيات!

بلاش هدايا تجهيز العرايس ده! هو مش عيد الأم يا فندم دي صاحبتك مش والدتك!

- الشوكولاتة والورد!
اعرف صاحبتك بتحب الشوكولاتة الأول ولا لأ، وكمان الورد مش كل البنات بتحب الورد في ناس بتاكله! ماتجبش وخلاص.. اعرف الأول!

Comments: