عبثيات: ازاي تكمل باقي الشهر بـ 165 جنيه

26/02/2019

خلينا نتفق إننا لو بنقبض نص ثروة سميح ساويرس، فهيجي برضة علينا آخر أسبوع في الشهر وهنلاقي معانا 165 جنيه، ولو إنت أغنى من كده دلوقتي فغالبا إنت مستلف من حد من الاتنين يا ست الحبايب أو شركة الاتصالات بتاعتك.

اللي ماتعرفهوش بقى إنك ممكن تشبرق نفسك بالـ 165 جنيه اللي معاك، بس اهم حاجة تكون شخص قنوع، تعالى نقولك هتتبسط ازاي بفلوسك دي:

1- أول حاجة جدد اشتراك الإنترنت وده هياخد منك 160 جنيه تقريباً

2- اقعد على السرير، وافتح اللاب توب كده، بعدين افتح الإيميل بتاع الشغل

3- ابعت ميل للشركة بالنص التالي:

Please accept this written notification of my absence from today till the end of the month. I was unable to attend work due to sickness

If you need additional information, please let me know

,Sincerely  

4- شبرق نفسك بقى باشتراك الإنترنت واتفرج على أفلام ومسلسلات وكل من اكل البيت الجميل حتى لو سبانخ!

5- فاكر الـ5 جنيه اللي كانت معاك؟ روح الشغل بيها لما المرتب ينزل بقى..

Comments: