كل ما تريد معرفته عن  الموبايلات القابلة للطي!

26/02/2019

مع تطور التكنولوجيا كل سنة تقريبًا بيكون فيها تقنية جديدة، لكن الصيحة اللي بتغير من العالم بشكل ملحوظ بتكون مجموعة تجارب خدت فترة من السنين، من ضمن التجارب وآخرها في عالم تكنولوجيا الهواتف الذكية هي Folding phones أو الهواتف القابلة للطي.

دلوقتي نقدر نقول إن مشكلة الهواتف الكبيرة أو التابلت اتحلت، هيكون موجود هاتف 2X1 وده من خلال إنك تقدر تتفرج على الفيديوهات بشاشة كبيرة وفي نفس الوقت بعد ما تخلص تقدر تتنيه وتستخدمه كتليفون بحجم أصغر.

الشركات اللى وفرت هواتف قابلة للطي

Royole
شركة Royole أول شركة تعلن عن الهاتف القابل للطي وده كان في معرض  CES 2019
الهاتف عبارة عن شاشة 7.8 بوصة بدقة 1920×1440 الكاميرا الأولى بدقة 16 ميجا بيكسل أما الكاميرا التانية فهي 20 ميجا بيكسل، التليفون عبارة عن 2x1 حرفيًا وده من خلال إن كل جزء من الاتنين ليه تجربة مختلفة عن التانية في الأبعاد وكل جزء ليه شريحة اتصال خاصة بيه لوحده، أما عن الجزء اللي في منتصف الجهاز والمسئول عن طيه وممكن يكمل لمدة خمس سنين بمعدل 100 مرة لطي الهاتف يوميًا، الجهاز بذاكرة عشوائية 6 جيجا ومزود ببطارية بسعة 3800  مللي أمبير، كمان يدعم الجهاز الجيل الخامس من الاتصالات وهنا بيضم استخدام أسرع للإنترنت.


 Samsung
ظهرت تسريبات كتيرة عن طرح شركة سامسونج لهاتف قابل للطي، ولكن بعد الإشاعات والتسريبات غير المؤكدة أعلنت الشركة عن  طرحها هاتف جديد قابل للطي بشاشة 7.3 بوصة اسمه Samsung Galaxy Fold وكمان أعلنت الشركة عن سعر الهاتف اللى وصل لـ 1980$، الهاتف بذاكرة 12 ميجابيت وسعته التخزينية بتوصل لـ 512 جيجا بايت وهيكون فيه كاميرا خلفية بثلاث عدسات اتنين منهم بتدي صورة بجودة 12 بكسل وواحدة 16 بكسل أما عن بطاريته فهي عبارة عن 4.380 H أمبير ومقسومة إلى قسمين بسبب الطي.


Xiaomi
 Xiaomi  كمان من ضمن الشركات اللى أعلنت عن طرحها لجهاز قابل للطي كانت شركة
أو شاومي واللي استعرض واحد من مؤسسي الشركة الجهاز من خلال نشره فيديو بيستعرض فيه التليفون الجديد للشركة واللي كان عبارة عن  طي مزدوج يعني بيتني من ناحيتين ولكن مفيش تفاصيل  أكتر عن التليفون غير اسمه وهو Xiaomi Dual Flex
     

Huawei
مؤخرًا أعلنت شركة هواوي في المؤتمر العالمي للهواتف الذكية في برشلونة عن هاتفها القابل للطي واللي هيكون اسمه Mate X foldable 5G يعني متوافق مع شبكات الجيل الخامس واللي بتيح استخدام الانترنت بسرعة أكبر، التليفون هيكون بشاشة مقاس 8 بوصة ومن مميزاته إنه مفيش فجوة بين الشاشتين في فردهم، أما عن البطارية فهي 4.500 مللي أمبير، وأعلنت الشركة إن سعر التليفون هيوصل لـ 2299 يورو.

Comments: