أنواع البنات في السواقة

03/03/2019

البنات شخصياتهم بتختلف في السواقة، وكل بنت غير التانية وهي بتسوق، ولو إنت بتسوق فأكيد هتكون قابلت نوع من الأنواع دي:

- اللي بتقلب العربية فرح بلدي
ودي بتكون ماشي على الطريق في أمان الله تعدي من جنبها تلاقي فرح بلدي جوه العربية شغال، مولد!

- اللي فاتحة مطعم في العربية
البنت اللي حبها للأكل أهم من أي حاجة حتى أهم من حياتها اللي هتضيع لو مركزتش في الطريق ومشيت عدل، وغالبا بيبقى عندها stock في العربية لحاجات تكفيها أكل يومين قدام

- المزعجة اللى مش بتبطل رغي
دي بقى حاطة الموبيل على ودنها ونازلة رغي رغي رغي مع الناس كلها ولو مش معاها حد ترغي معاه في العربية بتناكش الناس على الطريق وتتعرف عليهم وتفتح معاهم محادثة كاملة

- اللى طول ما هي ماشية تشتم الناس
أيا كان مين الغلطان إنت ولا هي لازم هتتشتم وإنت معدي من جنبها، هو كدة

- اللى بتخاف من السواقة
دي بقى ماتفهمش هي سايقة عربية ليه، دي وهي بتكون ماشية على سرعة 20 وكمان لازم تسيب شوية مسافة حلوين كدة ما بينها وبين العربية اللي قدامها

- اللى بيحطوا ميكب وهما سايقين
ودي مقتنعة إن مرايات بيتهم وحشة فقالت تنزل تحط الماكياج في العربية، مش بس كده وكمان وهي سايقة حاجة كده معجزة!

- اللي مش معترفة بالإشارات ولا المرايات
من البديهي وإنت داخل يمين مثلًا تدي إشارة لكن إنك تعمليها فجاءة كدة وتفاجئي الناس اللي معاكي  على الطريق، لأ مش مفاجأة عيد ميلاد هي، ده غير إن المرايات معمولة في العربيات عشان ليها وظيفة، ماينفعش تلغيها أو تمشي وإنتي ضامّاها

- اللي لازقين في الكرسي
هتلاقي نوع من البنات كده بيحب يحضن الكرسي، نوع من أنواع الاحتواء أو إن الكرسي هيحتويها وبكده مهما عملت حادثة مش هيحصل حاجة.

- اللى مقتنعين انهم multitasker
ودي بتعمل كل حاجة وهي بتسوق، بترضع وتمسك الموبيل وتقشر الكوسة وترقص على الأغاني اللي مشغلاها!

- النور العالي
في نوع تاني من البنات كدة مابتقتنعش إن العربية فيها كذا درجة من الإضاءة منها النور العادي مثلًا فتروح ضاربة في عينك النور العالي!

- اللي بتسوق مانيوال 
اللي بتسوق عربيات مانيوال أحسن من أجدعها سواق ميكروباص

Comments: