٩ حقايق مش هتصدقها: فراخ بريش حرير

04/03/2019

بالرغم إن الإنترنت جعل العالم قرية صغيرة وكل الاكتشافات والاختراعات والحاجات الغريبة بقت معروفة بالنسبة للعالم كله، إلا إن فيه حاجات لسه مش معروفة أوي.

موقع Brightside جمع 14 حاجة غالبا إنت ماتعرفش عنهم حاجة

1- سلالة من الفراخ اسمها "Silkie":

تحس في الأول إنه لعبة، بس فعليا هي فرخة وبغض النظر عن الريش اللي شبه الحرير بس النوع ده من الفراخ له مواصفات غير عادية: النوع ده جلده أسود وودانه زرقا وليه 5 صوابع (في حين إن الفراخ العادية عندها 4 صوابع بس) وسعر الفرخة من السلالة دي 25 دولار.

2- القلب الأزرق:

ده القلب الوحيد اللي موجود لحوت أزرق، لإن الطبيعي إن الحيتان لما بتموت بتغرق، بس في 2014 لما جسم حوت أزرق خرج على الشاطئ بره الباحثين عملوا كل حاجة عشان يستخرجوا قلب الحوت ويحتفظوا بيه.

القلب وزنه 440 رطل وحجمه قد العربية، وكل نبضة بتستخدم 220 لتر دم، وبالرغم من ده فقلب الحوت هو الأبطأ في قلب كل الحيوانات لإنه في الدقيقة بينبض من 4 لـ 8 نبضات.

3- لو الفراشات عندهم فرصة، هيشربوا من دمك:

ممكن تبقى عارف إن الفراشات بتشرب دموع السلاحف، لكن الفراشات عندها سر مخفي إنها لو لقت دم هتشربه، وده لإن الدم بيحتوي على معادن وعناصر غذائية على سبيل المثال الجلوكوز والصوديوم، وأصلا الفراشات بتحتاج لعناصر كتير صعب إنها تلاقيها.

4-  Fremdschämen هي كلمة ألمانية كلنا بنحتاجها:

وهي كلمة بتوصف الحالة اللي بتحس بيها لما بتحس إنك مكسوف لحد، أو إنك عمل سلوك يحسسك بالحرج.

5- علميا القطط سوائل:

علميا السوائل هي اللي بتاخد شكل القالب اللي بتتحط فيه، وفعليا القطط بتتناسب مع التوصيف ده، ساعات بيبقوا زي السوائل وبياخدوا شكل أي قالب بيتحطوا فيه.

اتعملت مؤتمرات ودراسات كتير عشان تصنف القطط هما زي السوائل ولا الأجسام الصلبة؟  لحد دلوقتي ماوصلوش لإجابة لكن الباحثين خدوا جايزة نوبل عن الأبحاث دي.

6- ممكن تعيش حياتك كلها بتاكل بطاطس وزيت:

لو كنت بتستعد لنهاية العالم فالمفروض تحوش بطاطس وزيت، لإن البطاطس بتحتوي على كمية متوازنة من الكربوهيدرات والألياف والبروتين، وده كافي للجسم، لكن البطاطس مافيهاش كميات كفاية من الدهون، وبالتالي الزيت هيبقى ضروري.

دانا هونيس، اختصاصية التغذية في مركز رونالد ريجان الطبي في جامعة كاليفورنيا  بتقول إن البطاطس بالزيت ممكن تستخدم كغذاء لوقت قصير للأشخاص اللي بيعملوا دايت وهيقدروا يخسوا عادي

7-معارك الراب بدأت في القرن الـ5:

معارك الراب هي عبارة عن مناسبات بيعملها فنانين الراب عشان يهاجموا بعض بالكلام، ظهرت في القرن الـ5، في المسابقات دي كان كل شاعر بيقول قصيدة من القصائد الكلاسيكية والخسران هو اللي بيقول القصيدة الأسوأ.

8- أصغر "رجل تلج" في العالم حجمه 2.7 ميكرون:

سمك شعر الإنسان هو 75 ميكرون، وعشان تتكون الصور دي العلماء حطوا 3 كرات من التلج فوق بعض، كان حجمها 0.9 ميكرون والعينين  والدراعين والمناخير مصنوعين من البلاتين.

9- أثقل وزن إنسان كان 1.400 رطل:

أتقل وزن لإنسان كان جون بروير بـ 1.400 رطل، ولما كان عمره 12 سنة وصل لـ 294 رطل، وطبعا ده كان عامله مشاكل صحية كبيرة، لكن لما كان في المستشفى كان بيحتاج لـ 13 شخص يساعدوه عشان يتقلب على جنبه.

Comments: