٢٣ حاجة بتعملها الستات يوميا: مفيش راجل بياخد باله منها

05/03/2019

كل سنة يوم 8 مارس العالم كله بيحتفل بيوم المرأة العالمي، كل واحد بقى بيحتفل بطريقته بس كلهم بيبقوا متقفين إن الست ليها دايما دور مؤثر وفعال في مجالات كتيرة، وفيه دول زي الصين وروسيا وكوبا بيدوا اليوم ده إجازة للستات.

الأساسي في كلام الناس في اليوم بيبقى عن إنجازات المرأة السياسية والاقتصادية والاجتماعية، وبعيدا عن الإنجازات دي، في تفاصيل صغيرة بتشترك فيها الستات في أماكن كتيرة من العالم، عشان يوفروا لنفسهم قدر من الأمان والراحة، ولحل المشاكل اليومية اللي ممكن تقابلها، التفاصيل البسيطة دي مع الوقت بقت "كود" أو نظام متعارف عليه الكل بيعمله، ورغم تكرار التفاصيل دي يوميا إلا إن أغلب الرجالة مش بياخدوا بالهم منها، إلا لما حد يلفت نظرهم بشكل مباشر:

1- الستات مابتقعدش قاعدة كاملة على قاعدة الحمامات العمومية عشان كلهم بيقرفوا.

2- مابتلبسش فساتين أو جيب قصيرة أوي عليها

3- بيبقى فيه في شنطتها "بخاخ الفلفل" أو مفاتيح كبيرة بتستخدمها كسلاح لو حد ضايقها.

4- بتمشي بسرعة في الشوارع الضلمة بالليل

5- لو معاها راجل بتسبقه هي بخطوة عشان يكون هو في ضهرها عشان تضمن إن محدش هيتهجم عليها أو يضايقها.

6- بتمثل إن معاها تليفون في التاكسي عشان السواق مايضيقهاش أو يتكلم معاها

7- بتتجاهل الناس اللي "بتبسبسلها" في الشارع عشان لو ردت ممكن الموضوع يبقى أسوأ

8- بتخاف من السواق اللي بيبقى حاطط مرايات كتير في الميكروباص أو التاكسي وبتغطي صدرها

9- بتلبس الـ"باك باك" بالعكس من ناحية بطنها في الأماكن الزحمة عشان تحمى نفسها وتتجنب إن حد يلمسها

10- عندها واحد صاحبها دايما بيجي يشتكي لها من كل مشاكل الحياة اللي تعباه وخانقاه

11- معاها في شنطتها فرشة سنان وهدوم عشان لو حصل مثلا واحتاجتهم برا البيت

12- ماينفعش تبقي لطيفة أوي مع راجل عشان ده ممكن يخليها تتفهم غلط

13- دايما في شنطتها بيبقى فيه "pad" عشان محدش يعرف إنها في فترة الـ "Period"

14- بتستخدم مناديل الحمام المجمعة كأنها "pads" لو كانت خارجة أو في أماكن عامة

15- بتستخدم كلمة "لو ماعندكش مانع" أو "أنا بعتقد" كتير عشان تخلي رأيها مايع أكتر

16- جروبات الواتساب بتاعت البنات بيكون فيها نكت قبيحة بتخليهم يقعدوا على الجروبس دي أطول وقت

17- بتحط ميك أب في أيام مش عايزة تحط ميك أب فيها بس عشان الناس مايسألوهاش "إنت تعبانة؟"

18- بس مش هتحط ميك أب كتير عشان شكلها يبقى "Natural"

19- بتسمع جمل كتير من نوعية (إنت بتشتغلى ليه/ بتلعبي رياضة ليه/ بتخرجي ليه؟) اتعلمي الطبخ أحسن

20- بتاخد فلوس أقل على نفس الشغل اللي الراجل بيعمله بفلوس أكتر

21- بتسمع الرجالة وهما بيشرحوا حاجات هي عارفاها أصلا

22- بتمثل الصبر والرجاله بيقنعوها بوجهة نظرهم

23- بتمثل إنها فاهمة عماتها وخالتها وصاحبات ماما اللي بيقنعوها تسيب الشغل وتدور على ابن الحلال وتتجوزه

Comments: