دراسة تثبت تفوق النساء على الرجال في صفات اللطف والحب والامتنان

07/03/2019



النساء تتفوق في أربع نقاط قوة تميزها على الرجال، ودي كانت نتيجة دراسة أجراها باحثين من سويسرا على أكتر من مليون شخص من 4 بلدان حول العالم على أعمار متنوعة ما بين أطفال ومراهقين وبالغين، لاختبار مدى تفوق الرجال و النساء على بعضهم في 24 سمة شخصية، واتضح إن الستات والرجالة متقاربين في كل الصفات ماعدا 4، بتتفوق الستات فيهم على الرجالة، وهي صفات: اللطف، والحب والامتنان والإحساس بالجمال.

نقاط القوة اللى تفوقت عليها النساء عن الرجال وهما كالآتي:

- تقدير الجمال والإحساس بيه: النساء بتكون أكتر قدرة على تقدير الأشياء الجميلة، زي الألوان والتفاصيل الفنية زي التفوق في تعلم الموسيقى.

- اللطف: كمان بتتميز النساء بصفة اللطف وتعتبر نقطة قوة تفوقت فيها على الرجال، يعنى عادة النساء بتكون بتقدر تقدم الدعم للآخرين ده غير إنها بتكون رحيمة، وكريمة بوقتها وأموالها.

- الحب:
 فعلا النساء قدرت تحقق التفوق على الرجال في القدرة على بذل مشاعر الحب، ولكنها سمة تبادلية بمعنى إن الحب هنا بيكون أخذ وعطاء، وبمجرد ما بتلاقي التبادل ده بتشارك معاك مشاعر الدفء.

- الامتنان: كمان بتظهر صفة الامتنان كنقطة قوة عند النساء، بمعنى إنها بتكون على علم بالأشياء الكويسة اللى بتحصلها وبتقدم الشكر والامتنان بناء على الشعور ده.

ولكن رغم تفوق المرأة في النقاط الأربعة السابقة إلا أنه كان فيه 24 شخص من رجال ونساء حققوا التشابه في الصفات نفسها وبنفس الدرجة.

كمان البحث كان قايم على فرضية التشابه بين الجنسين وكان بيدعم الفرضية دي، ده غير إنه كان بيدعم إن فيه شمولية بين البشر في الخصائص دي كلها.


ده غير إن العلماء اللى قايمين على الدراسة دي أكدوا إنه ممكن يكون فيه راجل متفوق على الستات في واحد من سمات الشخصية دي، والعكس إنه تتفوق سيدة على النقاط اللى حقق فيها الرجال قوة زي الإبداع أو التعقل.

Comments: