صور ذهنية عن أي شخص كريتيف

13/03/2019

دايمًا الناس واخدة تصور معين عن الشخص الكريتيف أيًا كانت الفكرة دي حقيقية ولا لأ، جمعنا في الموضوع ده كل الصور الذهنية اللي متاخدة عن الشخص الكريتيف.

- إنه شخص غريب الأطوار وتصرفاته مش مفهومة

-  كائن عشوائي بوهيمي يفعل ما يحلو له وغير منظم في حياته

- شخص سرحان طول الوقت وعامل فيها عميق

- بيشرب حشيش وكل أنواع المخدرات عشان يعرف يطلع الأفكار دي 

- شعره طويل ومش بيسرحه خالص وغالبًا مش بيستحمى 

- بيشرب قهوة كتير جدًا

- لازم يكون لابس نضارة حتى لو نظره مش ضعيف

- الكريتيف لازم يطبق في شغله أو مواعيد نومه تكون مختلفة عن الناس العادية يعني ليله نهار ونهاره ليل

- طبعًا عشان الكريتيف شخص مش بيهتم بالمظاهر فهو بيقعد على قهوة بلدي مش كافيه

- مش مُهندم في نفسه ولا بيعرف يلبس كويس وشخص معفن عموما

- مش بيحب الشمس ودايمًا خروجاته بالليل وعامل فيها خفاش

- دايما عنده أفكار فشيخة

- عنده حل لأي مشكلة في الحياة وأي مشاكل كونية عمومًا

- تحت عينه لازم يكون أسود بسبب الشغل الكتير والسهر 

- مش معترف بالألوان ودايمًا لازم يكون لابس أسود


 

Comments: