اعرف سبب هجوم الجمهور على "صلاح" وشوف رده عليهم

12/03/2019

نشر محمد صلاح إمبارح على الأكونت الرسمي بتاعه على تويتر، صورة ليه في مؤتمر صحفي، واللي اتسببت في تعليقات هجومية جدا على "صلاح" بسبب تصريحاته في المؤتمر.

"صلاح" قال في المؤتمر إنه في نص الموسم وإن أي أخبار عن انتقاله لنادي ريال مدريد أو يوفنتوس الإيطالي هي أمور سابقة لوقتها، وقال إن مثله الأعلى من صغره هو زين الدين زيدان وتوتي، أما التصريح اللي استفز جمهوره ومحبيه فهو كلامه عن إنه حقق اللي مفيش لاعب عربي أو أفريقي قدر يحققه.

وعشان التصريح ده اتهمه جمهوره بالغرور، بعض المعلقين قالوا إنه بالنسبة للاعبين العرب فاللاعب "رابح ماجر" لعب مرتين في كاس العالم وسجل في ألمانيا هدف، وأخد بطولة أفريقيا ودورى أبطال أوروبا والسوبر الأوروبي، والناس شايفين إنه لسه قدامه شوية عشان يبقى زي النجوم التاريخيين للقارة السمراء، زي روجيه ميلا وعبيدى بيليه وجورج وايا.

من قبل المؤتمر الصحفي وكان بدأ جمهور محمد صلاح يتضايق منه بما إنه بقاله فترة مابيسجلش أهداف في مباريات ليفربول واتهموه بعدم التركيز في الملعب في الفترة دي وإنه مركز في الإعلانات والحملات الدعائية وغيرهم.

جدير بالذكر إن جمهور محمد صلاح كان متضايق منه من وقت حادثة محطة مصر لإنه نزل صورة تاني يوم من الحادثة بيضحك فيها بالرغم إنه يوم الحادثة كان كاتب نعي.

وده اللي خلى محمد صلاح يكتب التويت دي على الأكونت الرسمي بتاعه على "تويتر"، في رد منه على هجوم جمهوره: 

Comments: