حاجات بتخلي الناس ماتعرفش تنام

12/03/2019

النوم سلطان.. ويمكن ده اللى بيخلينا متضايقين لو معرفناش ننام، عشان النوم دة نعمة اللي محروم منها محروم من جزء كبير من راحته>
طبعًا فيه أسباب كتيرة تخلينا مش عارفين ندوق طعم النوم، تعالوا نشوفها.

- لو صوابع رجلك كانت ساقعة وحاسس إنك بردان صدقني مش هتعرف تنام

- لو عدت الساعة 12 طبعًا مش هتعرف تنام عشان الأسئلة الوجودية

- لو بطنك فاضية وجعان خصوصًا بقى لو قررت تنام خفيف أو عامل دايت

- لو غيرت مكانك أو سريرك، كإن مثلًا جسمك فاهم إنك غيرت مكان نومك ومقموص!

- طبعًا لو مرتبط ده سبب كافي يخليك متعرفش تنام، خناقات، كلام موبايلات بعد 12 بليل ده، تفكير في اسم عيالكم مثلًا!

- لا المرتبط مرتاح ولا السينجل كمان عارف ينام

- لو إنت من الناس اللي بتعاني من موضوع الأوفر ثينج  مستحيل تعرف تنام

- لو عندك اجتماع مهم الصبح، معاد مهم الصبح امتحان مهم، غالبًا كلمة مهم هي السبب!

- متقولش أنا عايز أنام بدري عشان أصحى بدري، الكلمة دي كفيلة تخلي عقلك يتسلط عليك ومش هينيمك

- طبعًا لو ابن أختك/أخوك عندكم فالبيت

- لو خالع ضرسك، ضرس العقل بالذات!

- لو شارب مياه كتير قبل ما تنام.. ده سبب كافي إنك تفضل تتقلب على السرير وفي الآخر تقوم تعملها وترجع!

- لو جارك عمل فرح ابنه وطبعًا عشان العشرة والمحبة لازم يحط سماعة الـ DJ تحت بلكونة بيتكم واللي غالبًا جنبها أوضتك

- لو كنت لسه متفرج على فيلم رعب قبل ما تنام، يعني أعرف إن الناس تسمع موسيقى هادية تقرأ كتاب، موضوع الرعب قبل النوم دة مريب

- لو النور قاطع، يعني تكون مضلم البيت كله عشان تعرف تنام لكن لو الكهربا قطعت لأ طبعًا تنام إزاى افرض الكهربا جت وولعت في البيت!

- لو الدنيا بتمطر، مش عارفين إيه علاقتها بس في ناس مبتعرفش تنام إلا لما المطرة تخلص

- لو الفريق اللي بتشجعه خسر

- لو كنت مكلم الكراش قبل ما تنام، هتنام إزاى دلوقتي وإنت بتفكر في كلمة وإنت من أهل الخير اللي قالتها لك دي قصدها بيها إيه؟
 

Comments: